لقاء كارثي

تامر…..ماشي موافق ايه هي

نغم…..ااا يعني اتمنيت اني احقق نجاح كبير في شغلي و ابقي صحفيه معروفه و شاطره و ناجحه بس

تامر…. بابتسامه ان شاء الله هتبقي اشطر وانجح صحفيه و هتحققي حلمك و اسمك هيتعرف و هيتكتب في كل مكان و هبقب اجيبك عند البحر تعرفيه انك حققتي الحلم ده

نغم….بسعاده ان شاء الله طيب انت معندكش امنيات جديده

تامر…اممم بصراحه عندي

نغم….طيب يلا اتمني دورك

تامر…ماشي

غمض تامر عينه و اتمني امنيه و ثواني و فتح عينه

نغم….بضحك ايه ده لحقت ايه الامنيه السريعه دي

تامر…. بضحك ايه خلصت بسرعه

نغم…..بضحك انت لو بتتمني تطلع اوضتك تنام هتاخد وقت اكتر من كده

تامر …..بضحك في امنيات مش محتاجه كلام كتير يعني ربنا ريبقي عارف ايه اللي جواكي كفايه بس دعوه بسيطه بتحقيقها لو خير ليكي

نغم….اممم طيب هو انا ممكن اعرفها ولا سر

تامر….بابتسامه رفع حاجبه لا سر

نغم…..علي فكره انا شاركتك الامنيه بتاعتي

تامر…. انتي اتمنيتي ثلاث امنيات و قولتي منهم واحده انا اتمنيت امنيه واحده بس

نغم…..بضحك بقي كدددده طيب انا غلطانه اني عرفتك اصلا

تامر…..طيب نتفق اتفاق

نغم….ايه هو

تامر…..يعني لو باذن الله الامنيه اتحققت هايج اقولك هي ايه

نغم….اممم وعد

تامر….وعد والله العظيم

نغم….ماشي اتفقنا هو انت هتطلع تنام

تامر……عايزه تطلعي يلا ؟

نغم…اااا بصراحه مش عايزه الوقت بس اطلع انت وانا شويه واجي لو حابب يعني شكلك عايز تنام

تامر….لا انا مش عايز انام و اكيد مش هطلع غير لما انتي تطلعي مش هسيبك لوحدك اغلبهم طلعوا

نغم….اممم طيب هو انا ممكن اقعد و لا مينفعش

تامر…..ممكن طبعا بس انتي لابسه فستان هتعرفي تقعدي علي الارض من الرمل ولا نروح نقعد علي الكراسي اللي هناك دي

نغم…. بابتسامه هقولك حاجه و متضحكش عليا

تامر…..قولي

نغم…..بصراحه انا مبسوطه باحساس الرمل ده اوي و عايزه اجرب اقعد عليه

تامر….بضحكه جميله ماشي اقعدي بس مش هتبردي

نغم….بابتسامه احراج اااا عادي يعني

تامر….طيب اقعدي يلا براحه بس ارجعي وراء شويه عشان المايه متقريش منك

نغم…..هنا تمام ولا هتيجي

تامر…لا بعيد اقعدي يلا

نغم….طيب انت مش هتقعد ولا مش حابب تبهدل هدومك

تامر….لا عادي هقعد

قعدت نغم بهدوء و هي بتحاول تلم فستانها كانت مبسوطه اوي ابتسم تامر و بعدين قعد جنبها و ولع سيجاره تانيه