لقاء كارثي
لقاء كارثي
نادين…. بابتسامه مش عندي نوم
عسال…..والله ولا انا يا نادين بس تقريبا كده لازم ننام و نرتاح عشان بكره اليوم طويل اوي يا عمري عايزك تبقي فايقه مش مصدعه مرتاحه عشان تتبسطي
نادين…… بابتسامه ميدو انا اصلا مش مستوعبه ان بكره فرحي انا وانت انت فاهمني صح
عسال….بابتسامه فاهمك طبعا. وحاسس بيكي
نادين….يعني احنا اه اتجوزنا و كتبنا الكتاب و كل حاجه في علاقتنا كانت سريعه وسهله و جميله مكانش في صعوبه اصلا انتا نبقي مع بعض بس حاسه ان انا مش مصدقه ان بكره خلاص هنبقي مع بعض بجد
عسال….طيب مبسوطه ؟
نادين…..اوي يا ميدو مبسوطه و متحمسه و متوتره و خايفه معرفش في مشاعر غريبه كنت مستغربه البنات قبل فرحهم ليه حاسين المشاعر دي المفروض يكونوا بس مبسوطين بس طلع معاهم حق الموضوع كبير في رهبه مش طبيعيه
عسال ….بضحكه جميله طيب هقولك علي حاجه و اوعي تضحكي عليا
نادين…. بابتسامه مش هضحك والله قول
عسال…..علي فكره انا كمان متوتر بجد و قلقان و مش عارف ليه حاسس اني خايف
نادين….بضحك خايف من ايه
عسال…..انتي قولتي مش هضحك
نادين…..بضحك مش قصدي والله بس مش فهماك خايف من الجواز ولا خايف مني انا اوعي تكون خايف من قرار الجواز
عسال….بضحك خايف منك ولا من الجواز ايه يا عبيطه انتي
نادين……بضحك امال خايف من ايه
عسال…..بصي غالبا لما اي راجل بيكون متجوز عن حب بجد بيحس ان خطوه الجواز دي خطوه ضخمه و حدث مهم بيعمل بجد رهبه و ارهبه هنا مش معناها خوف او اني مش عايز اتجوز او اني ندمان يا عبيطه
نادين….بضحك امال معناها ايه بقي
عسال….يعني الحدث كل ما بيكون مهم في حياتك وضخم بجد بتتوتري يمكن اكتر حاجه مخوفاني
بجد هي شويه اسئله عمال اسالها لنفسي
نادين…..ايه هي
عسال…يعني هبسطك هكون زوج كويس بالنسبالك حجات كتير اوي انا من جوايا عارف اني مش هقصر فيها بس في نفس الوقت خايف معملهاش احسن بكتير من اللي جوايا فاهمه حاجه
نادين….بابتسامه اكيد فاهمه بس انا مش عيزاك تخاف كده من قبل ما نبقي في بيت واحد يا ميدو وانت تقريبا عملت كل حاجه تبسطني و يمكن عملت اكتر بكتير من اللي كنت اتمناه انت عملت حجات انا مقدرتش اعملها عملت حجات كانت صعبه تحقيقها اواهم واهمهم اني اقدر اجمع مامي و بابي تاني مع بعض انهم يقعدوا و يبقي في بينهم لغه حوار بعد كرهه كتير من مامي لبابي
