لقاء كارثي
لقاء كارثي
في الوقت ده كان في حاله بره بين الكل توتر قلق خوف فرحه حاسين ان في جنان هيحصل متحمسين و في نفس الوقت مرعوبين من اللي ميدو هيعملوا حنان و شيرين و عاصم و كلهم عمالين يقولوا لميدو بلاش واللي يقولوا براحه واللي يقولوا خلي بالك
حتي البنات فضلوا يوصوا فيه كتير يخلي باله
عشري…..ميدو براحه و تنجز عشان خاطري
ميدو….بابتسامه ياعم متخافش والله بقي ويلا اقفوا هي نازله
وقف الشباب كلهم قدام ميدو
والبنات كمان
ثواني و خرجت نادين مع سلامه و هي بتدور بعينها علي ميدو عشان تشوف رد فعله علي الفستان و علي شكلها لامره التانيه بس مكانتش شيفاه البنات قربوا منها كان في العاب ناريه و اغاني و دخله جميله و بعدين قربوا بيها من الممر اللي كانوا واقفين عليه في البدايه كانت الدنيا زحمه و قدامها الشباب واقفين كتير مش واخده بالها و فجأه الالعاب الناريه زادت اوي و بدأ الشباب يبعدوا من قدام ميدو و يوسعوا الطريق
نادين كانت بتضحك مع البنات و مش واخده بالها
ليله….نودي بصي هناك كده
بصت نادين وهي بتضحك لمحت ميدو واقف في اخر الممر بره المكان اللي واقفين عليه و راكب الفلاي بورد
بصت بصدمه و بسرعه حطت ايدها علي بوئها كان مبتسم بسعاده متتوصفش بصت للبنات بصدمه كانوا مبتسمين و فرحانين عشانها اوي
ايمي…..يلا روحي و امسكي فيه كويس
بصتلها وهي مش فاهمه
قرب تاني من سلامه وهو بيضحك
سلامه…يلا تعالي انتي واقفه ليه كده
مشيت مع سلامه كام خطوه و هي عينها مدمعه و مبتسمه قلبها بيدق مش مستوعبه عينها علي ميدو بصدمه و كأن كل حاجه وقفت حواليها في اللحظه دي و افتكرت بس حوارها مع ميدو عن اللحظه دي
فلاش باك……
نادين……اقصد يعني ان الفرح اللي بحلم بيه كبير اوي علي عدد الناس اللي في حياتي فا خلينا احسن في اللي ينفع
عسال…..امممم ده واضح ان كان في مخطط كبير للفرح اللي في دماغك
نادين….بضحكه بريئه اووووي بص هو مش كبير قد ما هو مجنون
عسال….بابتسامه ايه هو بقي؟
نادين…..بس مش هتضحك عليا؟
عسال….بنظره جميله لا مقدرش طبعاً
نادين…..بص هو حلم عبيط كده بس يعني كنت بحلم ان فرحي يكون علي البحر
عسال…الله برضوا
نادين….بابتسامه اه برضوا يعني كلنا نبقي لابسين ابيض يتعمل من بدري يعني و هو لسه النهار طالع يكون في ورد كتير حوالينا و بردوا لونه ابيض امممم الجنان بقي في الموضوع اني هنزل لوحدي و اروح علي المارينا و الاقي حبيبي او اللي هيبقي جوزي يعني راكب فلاي بورد و ياخدني معاه
