لقاء كارثي
لقاء كارثي
كلمات الاغنيه مع حركه ميدو بالفلاي بورد كانت خيال حقيقي
كان بيتحرك مع كلمات الاغنيه و هو باصصلها بحب حاضنها بدراع واحد و ماسكها بقوه و ايده التانيه عمال يحركها علي شعرها و وشها و مبتسم عينه بتضحك وقلبه بيضحك
لفت نادين ايدها علي رقبته و فضل ميدو يدور بيها وهو بيطلع لفوق كانت مبسوطه اوي وحاسه انها طايره بجد.
لف بيها كانه بيتشقلب الكل تحت قلبه وقع و كانوا مرعوبين بجد و نادين علي قد ماهي خوافه بس مكانش فارق معاها و حاسه انها معاه في امان
علي اخر الاغنيه طلع بيها لفوق وهو بيلف كانت الشمس خلاص نزلت علي البحر و الغروب شكله يجنن الالعاب الناريه غرقت السماء خلت المنظر خيالي مصطفي مكانش سايب لحظه مش بيصورها
قرب ميدو بيها للمارينا من تاني و هي مسكاه وبصالهم و مبسوطه
دقايق مرت كأنها حلم جميل
نزلها بهدوء و من غير ما يغرقها ولا نقطه مايه و ساعدوا التيم بسرعه يفك الفلاي بورد من رجله
كانت مبسوطه و البنات عمالين يحضنوها و يظبطولها شعرها و امها فرحانه من قلبها عشانها
الاجواء كانت خطيره بمعني الكلمه
خرج ميدو و بصلها وهو بيضحك و سامع الكل اللي يقول مجنون واللي يحمد ربنا انها عدت بسرعه خدها في حضنه
ورجعوا تاني لاجوائهم الجميله و الرقص والجنان ريهام و حودا و مصطفي و سلامه اتجننوا مع بعض و ريهام طبلت و رقصت عسال و نادين فرحتهم كانت تجنن و هما كل شويه اخواته يحضنوه و شويه و البوفيه بدأ و الكل قام عشان ياكلوا..
……..
سلمي…..طيب كلي حاجه بسيطه
ايه….لا مش قادره زوري واجعني
حسان…..انتي شكلك واخده برد جامد يا ايه
ايه…اه امبارح الجو كان برد بليل
حسان…..طيب انتي سخنه
سلمي….حطت ايدها علي راسها
انا حساها دافيه شويه
سلامه….قرب يلا يا قلبي خدي جبتلك المسكن من فوق
سلمي….سلامه مش هينفع مسكن من غير اكل
سلامه…لا ماهي هتاكل الوقت
سلمي……مش راضيه والله
سلامه…طيب مفيش مسكن
ايه….خلص يا سلامه بقي والله ما قادره
سلامه….والله هتاكلي
ايه…طيب هاكل بس اديني المسكن
حسان….طيب اديها بس كلي يا ايه حتي لو حاجه بسيطه احنا لسه قدامنا طريق و هتتعبي
ايه…..حاضر هاكل والله
سلامه…طيب امسكي وانا هروح احطلك اكل
خدت ايه المسكن و سندت ىاسها علي كتف سلمي
حنان….أيه يا قلبي لسه تعبانه
