لقاء كارثي

واكتر حاجه كانت مفرحاه انه هيجي البيت معاه و يبقي ساكن خلاص

خرجوا بره اتصوروا كتير مع بعض اتعمل سيشن لميدو مع الشباب في الكوليدور بتاع الفندق قدام الغرف وصور ليه لوحده و صور مع كل الكبار اللي موجودين

شويه و بدا الكبار كلهم ينزلوا تحت في الفرح و نزل صحاب ميدو وسلامه و مصطفي و معارفهم كلهم

البنان كلهم جهزوا حتي نادين خلاص بس مكانتش هتخرج هي معاهم

بدأ البنات يخرجوا و كأن الشباب اتعودوا علي طلتهم اللي توقف القلب

شكلهم كان يجنن و فساتينهم تجنن و منظهرم وهما لابسين كلهم فساتين بيبي بلو كان تحفه

المرادي محدش اتخانق خالص اتعودوا او بمعني اصح محبوش ينكدوا الاجواء كانت تجنن وكلهم بجد مبسوطين من قلبهم

و البنات كانوا قمرات فا محدش فيهم اتخانق او علق و عدت علي خير كل واحد من الشباب خد بنت و نزلوا كلهم علي تحت و معاهم ميدو اللي كان هيستقبل معاهم نادين

التجواء تحت كانت تجنن النهار لسه طالع المنظر مبهج بشكل مش طبيعي بحر و ورد و مفارش باللون الابيض و ورود باللون الابيض والبيبي بلو و البينك الفاتح

مع منظر السماء كانها قطعه من الجنه بجد

الاطفال كانت مبسوطه في المكان بتاعهم و الامهات مرتاحين و متطمنين

البنات كلهم بلا استثاء اتصوروا مع بعض صور كتير اوي و الشباب كمان

الموسيقي الحماسيه اللي كانت شغاله كانت عامله اجواء تحفه

ميدو مكانش علي بعضه خالص مبسوط و متوتر و متحمس

فاتت نص ساعه و بدأ الكل يقف مكانوا عشان يستقبلوا نادين

و قفوا قدام بعض صفين كلهم كانهم عاملين ممر طويل و عسال واقف في اخره و البحر وراه واقف ايده وراء ضهره قلبه بيدق بطريقه مش طبيعيه كانه حلم و بتحقق بكل تفاصيله زي ما حلم و حلمت هي كمان

ابتسامة الكل كانت مرسومه علي وشوشهم

الموسيقي اللي كانت شغاله لاستقبال نادين كانت تجنن و ماشيه مع اجواء الفرح و البحر اوي.

ثواني بسيطه و اخيراً خرجت نادين في ايد عاصم و هي بتترعش و قلبها بيدق و حاسه ان جسمها سايب من كتر التوتر و الحماس

ظهرت قدامهم و هي خارجه كانت شبه الملايكه تجنن فستان شيك وهادي و مفيهوش غلطه و لايق مع كل تفصيله في الفرح

من اول ما خرجت خطفت قلب الكل مش ميدو بس البنات بصولها بحب و تأثر و كالعاده لما بيلمحوا واحده فيهم عروسه عيونهم بتدمع بسرعه

بس ليله وايمي كان و ضعهم مختلف سبقتهم دموعهم و نزلت بسرعه قلبهم كان بيدق معاها كانوا فرحانين بيها كأنها بنتهم الصغيره