لقاء كارثي
لقاء كارثي
قربت بهدوء من اميمه و قمر تشوفهم و وقفت مره واحده لما سمعت اميمه..
اميمه…..انا بقولك لسه عارفه الصبح و احنا بنفطر من وليد
قمر…..يعني هو متصل بيكي ليه مش فاهمه برضوا
اميمه…..هو تقريبا مستعجل علي رد وليد انا لما لاقيت رقمه متصل عليا قولت لاخوكي فرحات متصل عليا سكت شويه قولتلوا في ايه هو كلمك حكالي بقي قالي بصراحه هو متصل من اسبوع و قالي ان البيت هيتهد عشان جايلوا قرار ازاله و عرف عشري باللي حصل فا مرضيوش يقولوا لليله الا بعد ما يتصرفوا
بصت ليله بغضب من بعيد تدور بعينها علي وليد و عشري لاقتهم واقفين مع علي و عمر و حسان وفضل ورشيد وايمي وامينه و نجود و عشري الكبير بيضحكوا و بيتكلموا
اتحركت عليهم و هي من جواها هتتجنن حست للحظه انها مش شايفه قدامها فكره ان البيت يروح منها مش فكره مقبوله بالنسبه ليها ابداً وصعبه
بعد كلام اميمه مع قمر وقفت ثواني تسأل نفسها تروح تتكلم ولا تسكت بس مقدرتش و اضايقت جدا انهم خبوا عليها
قربت منهم و هي غضبانه بجد
نجود…..لولي القمر
بصوا كلهم علي ليله و بصلها عشري بابتسامه جميله
ليله….بغضب بصت لوليد انت ليه مقولتليش ان فرحات كلمك وروحت قابلتوا ؟
بص وليد لعشري بسرعه رفع عشري كتفه بهدوء بمعني مقولتش
ليله…..بغضب انت بتبص لعشري ليه متقلقش مقاليش حاجه زي ما انت خبيت عليا هو كمان خبي
عشري….طيب ممكن تهدي
ليله….اهدأ تاني يا عشري بتخبي اهظا ايه بيت امي هيروح مني وتقولي اهدي و انت وهو واقفين ولا علي بالكم
عشري….طيب ممكن نتكلم بهدوء شويه مين قالك انه ولا علي بالنا
ليله….عشري متعصبنيش هدوء ايه اللي بتتكلم عنه انت لو بيت اهلك هيروح منك هتبقي بالهدوء ده و بعدين لو بالك انت وهو يلا قولولي حلتوها ازاي؟!
امينه…في ايه يا ليله في ايه يا ولاد
عشري الكبير…..بيت ايه اللي يضيع يا بتي بس في ايه ؟
ليله….في ان اخويا و جوزي عارفين ان بيت امي ممكن يتهد و مخبين عليا مستنين ايه يعني تفاجئوني مثلا عاملينهالي مفجاه
وليد…..ليله اهدي شويه الموضوع مش زي ما انتي فاكره انتي اصلا عرفتي من مين اميمه اللي قالتلك ؟
ليله….هو انت كل اللي فارق معاك يا وليد انا عرفت منين اطمن اميمه مقالتش بس سمعتها وهي بتكلم قمر الوقت
ايمي…. ليله طيب اهدي يا قلبي وافهمي الموضوع الاول من وليد هو مقصدش يخبي عليكي
