لقاء كارثي

نادر…..بصلهم وهو ميت من الضحك لما ارجع من العمره هبقي استر عليكي و نكتب الكتاب

رهف….بضحكه جميله اتفقنا يا قلبي تروح وترجعلي بالسلامه

نعيمه كانت واقفه هتموت من الضحك وهو ماشي فطسان من الضحك علي الجنان اللي حصل ده

بصتلها رهف و فطست هي كمان من الضحك

رهف…..بضحك تفتكري اتدبس

نعيمه….بضحك الله يخربيت عقلك هموت والله الواد اتجنن

رهف….بضحك بقولك ايه انا كنت هموت من الكسوف و الله العظيم و هو قفشني علي فكره انا عملت الحوار ده عشان اخلع من الاحراج اللي اتحطيت فيه بشياكه

نعيمه….بضحك انتي مصيبه اقسم بالله انا قلبي هيقف من الضحك

رهف…..بضحك يا عيني اتصدم

نعيمه….بضحك هو انتي المسائل عندك كانت باينه اوي ولا ايه

رهف…..نهار اسود باينه بس ده انا وانا موطيه كنت حاسه بهواء ولا التكييف

نعيمه…..بضحك الله يفضحك

رهف….بضحك اكتر من كده اقطع دراعي ان مكان شاف اللون

نعيمه….بضحك بت كفايه جنبي و جعني من الضحك انا بيتهيألي نادر من كتر الضحك هينزل يفضحك تحت

رهف….لا بجد و المصحف هتعلق من ابويا واعمامي بجد

نعيمه….بضحك لا متخافيش بس هو كل ما هيشوفك هيضحك

رهف….بضحك و اللن صعب عليا حسيته عايز يقول مين فينا اللي مجنون بس اعمل ايه كان لازم اخرج من الحوار

نعيمه….بضحك بس ادعيلي جيت نقذتك و ركبت عالسلام

رهف…..بضحك ركبتي بس ده انتي عملتي احلي شغل هو اكيد شايفنا مجانين رسمي

نعيمه….بضحك بيقولك لما ارجع من العمره هستر عليكي

رهف….بضحك شوفتيني وانا بقوله اتفقنا يا قلبي

نعيمه… بضحك شوفتك و النبي ما هرتاح غير لما تبقي مراته بجد

رهف…..بضحك بس هيفجرني انا وانتي صحيح انتي طالعه تعملي ايه

نعيمه…..كنت رايحه التويلت و هطلع غيار عشان احتمال اغير الفستان ضايقني

رهف….طيب استنتكي ولا انزل

نعيمه….لا تعالي ننزل سوا

رهف….ماشي

نعيمه….بضحك تروح وترجعلي بالسلامه يا قلبي

رهف…..بضحك ده اخوكي هيدعي عليا دعاء في الكعبه بعد اللي عملتوا فيه ده

نعيمه….بضحك لا والله نادر طيب

فضلوا يضحكوا و دخلت معاها الاوضه.

……………..

في الاسفل

الفرح كان شغال و الكل مبسوط

ليله علي قد ما كانت بتقدر كانت بتحاول متتحركش كتير كانت مصدقه فكره انها ممكن تكون حامل و كانت حابه تخلي بالها عشان لو بجد طلعت حامل متأذيش البيبي و لو مش حامل مش هتخسر حاجه