لقاء كارثي
لقاء كارثي
نادين…بصدمه ابتسمت يعني ليله كانت عارفه
عسال….بضحك اه كانت عارفه طبعاً امال ليه اقنعتك بالفستان
نادين…. بابتسامه تجنن انا مجاش فر بالي خالص والله بس يعني انت اتدربت عليه ازاي
عسال….في الاول الشاب ده عرفني الطريق علي الارض و بعدها اضطريت اركب معاه مرتين ودي كانت اصعب حاجه في الموضوع اني اركب مع شاب
نادين….بصحك ركبت معاه بجد
عسال…بضحك اعمل ايه طيب كنت مضطر كان لازم احسن بضغط المايه والدفع بتاعها و التوازن بعدها جربت اقف لوحدي قضينا ساعات بس طلع لذيذ
نادين….اوي بجد
عسال…..المهم انك مبسوطه
نادين…..مبسوطه جدا و بحبك اوي
عسال……وانا بموت فيكي يا احلي بنوته في الدنيا
ابتسمت نادين ونامت علي كتفه و هي ماسكه ايده
……………….
سلامه……ايه
ايه…همممم
سلامه….حط ايده علي راسها حبيبي انتي سخنتي
ايه….انا كويسه متقلقش
سلامه….مقلقش ايه بس
شغل التكييف و حط مايه علي المناديا و حطها علي راسها
ايه…سلامه بتعمل ايه
سلامه….. ايه انتي سخنه ولازم حرارتك تنزل بقولك ايه اجيب ميلو جنبب هنا وتنامي وراء
ايه…لا لا انا هنا تمام و سيب ايدك ركز في الطريق
سلامه…طيب امسكي المنديل كويس
رجعلها الكرسي شويه
سلامه…افردي نفسك ونامي شويه
ايه….طيب
………………..
ايمي…..رجلك عامله ايه يا رشيد
رشيد…فيها وجع بسيط بس من الوقفه يعني افضل من الاول بكتير الحمد لله
ايمي…..الحمد لله علي مهلك بس
رشيد….كويس انك غيرتي عشان الفستان ميضايقكيش
ايمي…اه مكنتش قادره و اصلا بردت انا حاسه ان جسمي مكسر
رشيد….يكون في علمك الفتره الجايه دي راحه كفايه بقي انتي تعبتي جدا الفتره دي
ايمي….خلاص كده كده مفيش اي مناسابات تاني الحمد لله بقولك ايه هو احنا هنرجع بيتنا امته
رشيد… بابتسامه ايه وحشك مش قاعده مبسوطه مع زوزو و حماده
ايمي….مبسوطه اكيد بس بصراحه البيت وحشني بجد وعايزه ارجع يا رشيد مكنتش عارفه اني هتعلق بالبيت كده
رشيد…..بابتسامه ده بجد انا تخيلت لما نروح عند زوزو هتكوني مبسوطه اكتر
ايمي….مبسوطه اكيد بس معرفش يعني عندي احساس غريب عارف لما تروح مصيف او تسافر في مكان و تاخد بيت جديد ده نفس احساسي هناك البيت بجد وحشني و حاسه اني مفتقداه اوي
رشيد……والله انا كمان وحشني خلتص بكره باذن الله هبعت حد ينضفه و شوفي حابه نروح امته
