لقاء كارثي

ليله….مقصدش يخبي عليا ؟! هو انتي كنتي عارفه انتي كمان

بصتلها ايمي و سكتت

ليله…..كنتي عااااارفه

ايمي…..طيب افهمي و بطلي تتعصبي انا معرفش اي حاجه غير ان صاحب البيت كلموا كنا وقتها يوم عمليه رشيد و وليد مشي وقال رايح يقابلوا و طلب محدش يقولك الا لما يعرف هو عايز ايه

وليد….ليله فرحات كلمني يوم عمليه رشيد وقالي عايز اشوفك حاولت اعرف عايز ايه قالي مش هينفع في الموبايل لازم اقابلك مشيت وسيبت عشري مع رشيد وايمي ورحتلوا لاقيته بيقولي البيت جايلوا قرار ازاله و لازم خلال شهر يكون السكان كلهم سايبين البيت و بما انكم من صحاب البيت حبيت ابلغكم عشان تشيلوا العفش لو حابين و قالي ان نصيبكم من الشقه هو اللي هيشتريه و يدينا تمنه بس

عشري….بهدوء وليد كلمني بعدها وحكالي اللي حصل وانا اللي طلبت منه ميقولكيش

ليله….ليييييه

عشري…..عشان كنتي مشغوله طول الاسبوع اللي فات ما بين فرح ايه وسلمي و تجهيزات فرح نادين و مكنتيش بترتاحي لحظه مكنتش حابب اشغل دماغك بأي حاجه ولا انكد عليكي كنت عايزك تبقي مبسوطه مع البنات لاني عارف البيت ده غالي عندك قد ايه فا قولت استني نخلص من فرح ميدو و انا هروح مع وليد بنفسي و اشوف حوار الازاله ده

ليله….وانت فاكر انك لما تخبي عني ده الصح يا عشري

عشري…..و لو كنتي عرفتي يا ليله كنتي هتعملي ايه ؟

ليله…..لا كنت هعمل كتير اوي يا عشري علي الاقل مكنتش هسيب اسبوع كامل يعدي من غير ما اخد خطوه

وليد…..ليله انا شوفت قرار الازاله بنفسي يعني مفيهاش حل

ليله…ولما انت شايف ان هي ملهاش حل يا وليد كنتوا مستنين الاسبوع ده يعدي عشان تتصرفوا ازاي كنتوا مستنين تعرفوني امته اصلا

وليد….طب اديكي عرفتي اهو هتعملي ايه؟

ليله…..هقلب عاليها واطيها يابن امي وابويا عارف ليه عشان فرحات ده اوسخ بني ادم في الدنيا و لو كان عنده جرئه كان كلمني اناااااا

وليد….و يكلمك انتي ليه مش ليكي رجاله؟

ليله…..و اشمعني المرادي يا وليد ما هو بيكلمني ديماً علي اي إصلاحات او صيانه في البيت ليه وقتها مبيتصلش برجالتي بس انت عارف هو كلمك انت المرادي ليه عشان خايف مني .

وليد….يا بنتي انتي غبيه هيخاف منك ليه بقولك قرار الازاله جاي من الحي

ليله…..بغضب عليه وعلي الحيييييي القرار ده يبلوا ويشرب مايته من سنه بالظبط فرحات عمل صيانه للبيت و للسلم و طلب مني خمسين الف جنيه و قالي انا طالب المبلغ ده من كل ساكن عشان نظبط البيت و نعمل شويه صيانه خفيفه في السلم والوجهه بتاعت العماره و نعمل ترميم لاي حاجه بايظه لما روحت و شوفت البيت قولتلوا ليه خمسين الف البيت مفيهوش اي حاجه بايظه