لقاء كارثي

ليله….بغضب بسيط طبطبت علي كتف عشري و كتف وليد تمام و بما انكم رجالتي يا عشري بيت امي ميتهدش و انا هحترم رجالتي لاخر لحظه ماشي يا وليد اتصرفوا بقي

بصتلهم بغضب بسيط وسابتهم و مشيت

عشري….انت ايه اللي خلاك تقول لاميمه انت مش قولت لو عرفت هتتكلم

ايمي…احيه علي اميمه كلها زوزو مبتسكتش

وليد…. ياعم انا لا قولت ولا اتنيلت الحيوان اللي اسمه فرحات متصل بيها انهارده الصبح و هي لقت اتصاله فا جت قالتلي فرحات متصل بيا فا قولتلها لانها لو اتصلت بيه هتعرف و اكدت عليها متقولش لليله

نجود…هي بتقول سمعتها هي وقمر الوقت اكيد مخدوش بالهم انها واقفه

امينه….طيب شوفوا يا ولاد حل

عمر….هي بتتكلم صح لو هو اللي عارض يبقي السبب انه مخالف قانوني ولو مفيش اي مخالفه قانونيه يبقي فعلا هو عايز يعمل كده عشان يطلع تاني بالبيت ويأجره ايجار جديد

حسان….ايوه لو الحي اللي عارض فعلا بيبقي للصالح العام و بيعوض الملاك ده حتي المستأجرين بقوا بيتعوضوا بمساكن

وليد….فرحات ده واطي و عبد للقرش و انا بصراحه اصدق انه يعمل اوسخ من كده و زي ما قالت ليله هو لا بيطيقها ولا كان بيطيق امي لان لما امي كانت عايشه مكانش بيقدر ياخد معاها لا حق ولا باطل و الجيران كانوا بيروحوا يشتكوا لامي منه و هي اللي كانت بتعرف تقف قدامه و ليله عامله زي امي مبتسكتش علي الغلط

عشري الكبير….حقها يا ولدي بيتها واصلها و حياتها وريحة امها لازم تحافظ عليه محدش فينا يقدر يفرط في ماضيه

علي…..بس هي ليله اصلا مش عايشه فيه من زمان صح

ايمي….ايوه من زمان جدا بس البيت ده غالي عندها اوي يا علي

امينه….ريحة امها فيه يابتي لازم يكون غالي

رشيد….عشري اهدا عليها الوقت عشان هي مضايقه انكم خبيتوا عليها

ايمي….هي قالبه عليا انا كمان

عشري….ما انا خبيت عشان مكانش ينفع تعرف فعلا مكنتش حابب اضايقها و كلنا كنا مشغولين قولت لوليد نخلص من فرح ميدو و بعدها نتصرف لان انا كمان حسيت انه راجل وسخ لما سالت وليد شوفت شروخ شوفت اي حاجه سالت الجيران قالي مشوفتش حد و مشوفتش اي شروخ

وليد….البيت صحيح قديم يا رشيد بس مش قديم للدرجه يعني لما امي سكنت فيه هي وابويا كان تقريبا مبني من سنتين هما كانوا ساكنين في بيت تاني و اميمه اتولدت و بعدها عزلوا البيت كان جديد انا اتولدت فيه يعني من حاجه واربعين سنه مش قديم يعني