لقاء كارثي
لقاء كارثي
ليله…..وانا بموت فيك يا بلطجي
………………
في عربيه فضل نعيمه كانت نايمه علي كتف فضل و مرهقه جدا
فضل….مغيرتيش ليه الفستان يا قلبي
نعيمه….ملحقتش و بعدين كنت هموت واخد شاور مش هعرف البس كده
فضل…..والله انا اللي مش قادر و هموت واخد شاور و اناااام
نعيمه…..هي جوجو و اخواتك هيوصلوا معانا ميدو ونادين ولا هيمشوا
فضل….مش عارف والله هنشوف لو الطريق كده كده هنعدي علي ميدو يبقوا هيفضلوا لو لا ممكن يمشوا لما نقرب شويه اكيد هيعرفوني
نعيمه…..ماشي
رن موبايل عشري و كان متوصل بالبلوتوث فا عمل صوت عالي
نعيمه…..احييييه اتخضيت
فضل….افتحي افتحي بسرعه
نعيمه داست علي الزرار فتحت الخط
فضل…..الووووو
فينك كده و حشتني؟
رفعت نعيمه راسها بسرعه و بصتلوا و هو بصلها بصدمه
فضل…ااا مين معايا
نعم ؟! انت بتهرج اخلص انت فين راجع امته من السفر انا مستنياك علي فكره
فضل….مين انتي الرقم غلط بقولك
بضحك لا والله اخلص بقي بلاش هزار يا محمد
بصتلوا نعيمه بصدمه
فضل…..محمد مين انتي متصله بمين ياست انتي؟
سكتت البنت شويه
اااا ايه ده اسفه اسفه الرقم غلط شكراااا
قفلت الخط بسرعه بصلها فضل
فضل….اااا ايه الهبل ده بقالي سنه بقول الرقم غلط
نعيمه….لا والله ؟
فضل…..هو ايه اللي لا والله ما انتي سامعه
نعيمه… انت بتستعبط ولا بتشتغلني يا فضل ماهي قالت محمد
فضل….و هي عشان قالت محمد يبقي انا انتي هتروح منك ولا ايه
نعيمه…..لا بص الخوارات دي انا فهماها كويس هتعلي صوتك و تبلطج هتزعل مني مين دي
فضل….والمصحف ما اعرف حوارات ايه انتي هبله
نعيمه…..البت بتكلمك وهي واثقه ان انت اللي هي عيزاه
فضل….ماهي قالت الرقم غلط
نعيمه…لا والله يعني مش عشان حست انك مش عارف تتكلم و مزنوق مثلا
فضل…..سحبلها سحبه و هو متعصبه انتي هتخيبي ولا ايه انا بحلفلك
نعيمه….وانا مش مصدقاك يا فضل انا مش غبيه انا سامعه بنفسي
فضل…لا انتي غبيه عشان اكيد لو انا عامل عامله مش هرد قدامك
نعيمه….لا بتحصل يا حبيبي عادي ماهي غلطه الشاطر بالف
فضل….نعيمه بطلي هبل الرقم قدامك خديه و اتصلي عليها
نعيمه….لا واتصل ليه القي اتصل انت عرفها راجع امته عشان شكلها مستنياك نزلني يا فضل
فضل…..نعيمه انتي هبله
نعيمه….بقولك نزلنييييي
