لقاء كارثي

رهف….ايووووه ماله منظري بقي شوفت ايه اعترف

نادر….بضحك انتي يابت مجنونه

رهف….. ياعم اعتبرني مجنونه ورد عليا هو انت شوفت ااا

نادر…..بضحك اااااا يعني مكنتش قاصد انتي اللي فاتحه الباب

رهف….نهار اسود و منيل يعني شوفت

نادر…..بابتسامه كان هيموت و يضحك بس مكانش حابب يحرجها ااا لا مشوفتش حاجه

رهف…..انت بتكدب علي فكره امال متعصب ليه

نادر…..اه شوفت بقي و دي غلطتك مش غلطتي

رهف….نعم يا اخويا غلطتي انا ليه هو انا اللي بصيت ولا انت

نادر…..انتي هبله يابت انتي اللي كنتي فاتحه الباب و طبيعي اشوفك وانا معدي

رهف…..يلا ياشيخ انتوا الغرف بتاعتكم في اول الكوليدور ايه اللي جابك اخر الكوليدور

نادر…..مشكلتك ان الغرف بتاعتنا في اول الكوليدور طب احمدي ربنا ان مفيش.حد من العمال هو اللي شافك ولا دول كمان هتتحكمي فيهم يروحوا فين و يجوا منين و عموما انا طالع من الاسانيير اللي جنبكم فا طبيعي عديت قدام الباب عندك

رهف….انا مليش دعوه بالقصه دي كلها انا ليا علاقه انك شوفتني

نادر…..يابنتي انتي غبيه انتي اللي فاتحه الباب يعني دي غلطتك

رهف…..ياعم انا غلطانه بس انت كنان غلطان عشان بصيت

نادر….ولو اني بصيت غصب عني عشان بس لمحت الباب مفتوح بس الحوار خلص متبقيش تسيبي الباب مفتوح تاني ولو عليا اعتبريني مشوفتش حاجه سرك في بير

رهف….بير ايه يا حيلتها انت هتصلح غلطتك

نادر…..بضحك نعم يا اختي غلطت ايه

رهف…..انك شوفتني

نادر….بضحك ودي اصلحها ازاي

رهف…اااا تتجوزني

بصلها بصدمه و فطس من الضحك

رهف…..انت بتضحك علي ايه ؟

نادر….بضحك انتي شاربه حاجه

رهف…..احترم نفسك ايه شاربه حاجه دي انا بتكلم جد

نادر…..بضحك و ماله بس كده عيوني هتجوظك تحبي قبل الفطار ولا بعد الفطار

رهف…..هو معاد دواء انت بتاخدني علي قد عقلي انا بتكلم جد علي فكره انت شوفتني يعني خلاص هتتحوزني ما انا مش هروح اتجوز راجل غريب و انت شايفني قبله

نادر….بضحك انتي يابت هبله بجد

رهف….لا مش هبله بس هو ده اللي عندي شوفتني يعني تتجوزني و تصلح غلطتك

نادر…..يابت غلطة ايه لو حد سمعك هنروح في داهيه اللي يخربيت عقلك انتي طلعتيلي منين

رهف….انا كنت في اوضتي انت اللي واقف تبص عليا

نارد….نهارك اسود ومنيل ابص علي ايه انتي هتلبسيني مصيبه يابت انا لحقتك قبل ما حد يشوفك انتي اصلا لو ابوكي ولا حد من عمامك كان لمحك كنتي هتتعلقي ولا تتوأدي