لقاء كارثي

و ماما كانت ديما تقول احنا عايشين في مكان يعني شعبي او مليان عمال و صانيعيه و شباب و رجاله منطقه كلها شغل فكانت بتخاف علينا زياده عن اللزوم ممنوع نتاخر ممنوع ناخد دروس في وقت متاخر اخرنا خالص الساعه خمسه و هي الدنيا لسه زحمه

مكانش لينا صحاب بنات كتير الا في دراستنا حوالينا مكانش في بس كان ممنوع اننا نخرج معاهم و لو وافقت بطلوع الروح كان اخرنا نقعد معاهم ساعه ساعه ونص بالكتير

فا انا وانغام حياتنا كانت مربوطه ببعض هي بتتعامل معايا علي اني اختها وصاحبتها وكل حاجه ليها وانا كمان فا مكانش في خروج او سهر و لا هي كانت عندها وقت تخرجنا حياتها كانت شغل وبيت واحنا الاتنين بس اخرنا نروح لمريم لتيته غير كده لا

فا الحكايه مكانتش فلوس كانت خوف ام علي بناتها من كل حاجه

يعني مثلا انا عمري ما روحت ملاهي وانا صغيره ولا حتي وانا كبيره عمري ما صيفت او جيت بحر غير انهارده عمري ما وحت سينما كان في مره واحده بس هنروح كانت بعد ما انغام اتجوزت و كنت راحه معاهم بس انغام و هاني اتخانقوا في الطريق و رجعنا مكملناش في اماكن بقي عمري ما روحتها يعني كان نفسي اوي اطلع البرج مروحتش نفسي اروح الهرم مروحتش يعني اماكن كتير بسمع عنها ممكن كنت في الجامعه اعدي من قدامها بس مزورتهاش عمري ما سافرت اصلا اي محافظه

تامر….بابتسامه هاديه بجد عمرك ما روحتي سينما او ملاهي

نغم….بضحكه جميله لا والله هو انت اكيد الوقت شايفني من عالم تاني او فايتني كتير

تامر….لا خالص بالعكس عادي بتحصل

نغم….بص هو انا مكنتش محبوسه بس مبداتش اخرج واروح واجي لوحدي الا في الجامعه بس برضوا مكنتش بخرج يعني الجامعه وبس فاهمني شوفت البرج من بعيد عادي بعدي عليه يعني شوفت برضوا الهرم من بعيد و شكلوا يجنن بس مروحتش مخصوص كده يعني

تامر…..طيب ايه رايك نروح نعمل كل ده مع بعض؟

نغم….بايتسامه بجد

تامر….اه بجد يعني نرجع بس و اوعدك كل اسبوع يوم الاجازه نخرج خروجه و نعمل حاجه معملتيهاش ولا مره بس لو انتي موافقه

نغم…..موافقه طبعا

تامر….طيب تحبي ايه اول حاجه تجربيها ؟

نغم…..بابتسامه اااا البرج

تامر….بابتسامه ماشي يا ستي يبقي البرج نرجع و نتفق انا وانتي علي معاد مناسب ليكي و ليا و نروح مع بعض و كل مره هنجرب كل حاجه مجربتيهاش