لقاء كارثي
لقاء كارثي
فضل….ماشي يا ليله تمام
ليله…هدي سرعتك عشان المجنون اللي معايا بيجري وراك و هنلبس خلي اليوم يعدي علي خير
فضل….خلاص والله هديت اهو
ليله….ماشي احنا وراك يلا باي
فضل….باي
ليله….ممكن تهدي سرعتك انت كمان بقي
عشري…بابتسامه لا شيخه بقيت بتخافي من السرعه
ليله….لا مش بخاف بس كده هنلبس براحه شويه
عشري…..ماشي ابقي كلمي المجنونه دي هديها
ليله….بتكنسل سيبها الوقت هبقي اشوفها لما نوصل هدي بقي سرعتك دي عشان هو كمان يهدي
عشري…..ماشي
حطت ايدها بهدوء علي بطنها و ابتسمت حتي السرعه اللي كانت بتحبها بقت خايفه منها و مش حابه تعمل اي حاجه مجنونه لحد ما تتأكد.
………………
كملوا طريقهم كلهم كان في حاله من الهدوء في الطريق الكل مرهق و عامل مجهود سهروا امبارح لحد الصبح وصحيوا بدري جدا ملحقوش يناموا وبعدها الفرح فكانوا خلصانين خالص بما فيهم ميدو ونادين اللي كانت بتقاوح النوم عشان متسيبش ميدو لوحده.
كملوا و بمجرد ما دخلوا القاهره و قربوا شويه من البيت الساعه كانت حوالي واحده الا ربع كانوا ماشين براحتهم عشان محدش يحصلوا حاجه عالطريق
و بمجرد ما قربوا بدأوا الشباب يشغلوا الكلاكسات و يعملوا دوشه عالطريق و رجعوا البنات فاقوا تاني شويه بعد حاله الخمول والارهاق اللي كانوا فيها ..
وصلوا تحت البيت و الشباب صحابهم من المكان عملوا قلبان بالشناريخ و الالعاب الناريه و معاهم مصطفي و عدي وسليم و كل الشباب الصغيره و اصحابه قلبوا الدنيا نادين كانت مبسوطه اوي و متحمسه جدا بس مرهقه مووووت
نزلوا كلهم وقفوا شويه قرب عسال من عشري
عسال…..عشري طالب منك طلب يا صاحبي
عشري….رقبتي
عسال…..انا كنت متفق مع سلامه ومصطفي يوصلوا اهل نادين الفندق بس سلامه اكبد مش هيقدر يسيب ايه لانها تعبانه اوي و مصطفي لوحده مش هيعرف
عشري….اطلع انت ومتحملش هم
عسال…حقك عليا انا عارف انك جاي تعبان انت وليله
عشري..اطلع ياض وبطل هبل قولتلك خلتص متحملش هم
عسال…حبيبي ربنا يخليك ليا بص مصطفي عارف المكان و عارف كل حاجه
عشري….متقلقش انا هظبط مع مصطفي
……
احمد…..طيب نوديها مستشفي
ايه…يا بابا مستشفي ايه انا عايزه اطلع انام لو نمت هبقي كويسه
تامر….طيب نروح بسرعه حتي عشان لو في حاجه تتلخق
سلامه…..ايه تعالي نروح وبطلي عند
