لقاء كارثي
لقاء كارثي
رشيد…..لا مش قديم طبعاً
عمر….في بيوت بتعدي السبعين والثمانين سنه و بتبقي كويسه الراجل ده وراه حكايه
عشري الكبير…..خليك هنا يا ولدي هروح اشوفها انا واتكلم معاها تعالي يا امينه
راحت امينه مع عشري الكبير يشوفوا ليله
كانت واقفه بعيد عن الفرح شويه بتشرب سيجاره قدام البحر
حسان…..بقولكم ايه الفرح شكله خلاص بيخلص تعالوا نشوف ميدو ونادين علي ماهما يشوفوا ليله
رشيد….اه يلا خلص فعلا
ايمي…بصت لعشري و بعدين اتنفخنا صح ؟
عشري…..بصلها بضيق بسيط و ابتسم كنت عارف انها هتضايق اصلا وهتحسبها اني خبيت
علي…..ابوك هيتكلم معاها وهتهدأ متقلقوش هي بس موضوع البيت مضايقها
وليد…..ياعم قولها ان انا اللي قولتلك بلاش تعرفها عشان متعملش حوار معاه
عشري…ماهي هتقفش فيك هي مش طايقه حد فينا اصلا
رشيد….بضحك انا مليش دعوه انا كنت مريض
حسان….بضحك اهو باعكم
علي….بضحك غضبها وحش ليله هاا؟
رشيد…بضحك اوي بس والله مش حوار غضب انا عارف انه موضوع حساس وحقها تزعل و واضح انها عارفه ان الراجل ده وسخ
عمر…..يا عم ليها الف حل نبعت كام واحد معرفه من الحي يكشفوا عالبيت بنفسهم و يكتبوا تقرير بحاله البيت
عشري…. والله كنت هعمل كده انا كنت مستني بس الفرح يخلص لو اتبعت ناس من الحي اثبتوا ان البيت مش محتاج ازاله هيجيبوا اللي مضالوا ده والاتنين هيروحوا في ستين داهيه
عمر….خلاص هدددي و مقضيه بأمر الله راضيها انت بس و طمنها نرجع و بنشوف حل مع بعض
عشري…..تمام
………….
قرب عشري و امينه من ليله بصتلهم ليله بهدوء و رمت من ايدها السيجاره
امينه…. بابتسامه هاديه ضمتها تعالي يا جلبي بسم الله علي جلبك
عشري الكبير…..كل حاجه في الدنيا ليها حل يا بتي
ليله….بعدت عن حضن امينه ااا انا اسفه علي عصبيتي مكنتش هتملم والله بس مقدرتش حقكم عليا
امينه…لا يا بتي مجراش حاجه حقك ده بيت امك
ليله….بنظره حزن فظيعه مشكلتي ديماً مع وليد انه طيب بزياده و ديماً
بيختار اسهل حل انه يقفل الباب بسرعه عشان يتفادي المشاكل
عشري الكبير…..باب المشاكل فتحته مش زينه يا بتي خصوصا لو بتتعاملي مع بني ادم مستعد يسوي اي شي عشان الماده
ليله….و مين قال ان انا بحب المشاكل انا ببقي قاعده في امان الله و بتجيلي لحد عندي و مش معني ان انا مش عايزه مشاكل يبقي اقول حاضر وطيب ونعم عشان اريح دماغي وليد لازم يفهم ان احياناً لازم نتعامل مع المشاكل لو لينا حق
مش كل حاجه نقفل الباب و نسايس امورنا و ندي فرصه للبجح انه يغتصب حق مش حقه عشان بس احنا ناس مسالمين و مش بتوع مشاكل
