لقاء كارثي

نادر…. بضحك و المصحف يا نعيمه هرتكب فيكي جنايه الوقت انا طالع من الاسانيير اللي هناك ده متعوميش علي عومها دي شكلها هبله

رهف…..كمان بتقول عليا هبله ما تسوفي اخوكي يا نعيمه

نادر…. بضحك سؤال بس انتي ملامحك بتقول انك بتتكلمي جد بس اعترفي ده مقلب صح حابه تضيعي الاحراج بتاع الموقف بمقلب حلو وبتاع ونخلي الحوار يبقي خفيف ويعدي صح حلوه علي فكره ملعوبه

رهف…مقلب ايه يا ظريف انت شايفني وانا موطيه و تقولي مقلب و احراج ايه الاحراج الحقيقي اني ارتبط او اتجوز غيرك خيررر فتحاها سبيل هتكشف عليك وعلي غيرك لا يا حبيبي انا الراجل اللي هتكشف عليه هو اللي هتجوزه و انا اتكشفت عليك خلاص يعني هتتجوزني وتصلح غلطتك

نعيمه….بضحك صراحه حقها

نادر…حق مين يا ام حق وانتي يابت يا هبله انتي تتكشفي علي ايه بفستانك القصير ده علي اساس وانتي واقفه يعني الفستان متغطي ما انتي ماشيه يا اختي قدام الخلق كلها كده

رهف…..حلو لما نتجوز هغير طريقه لبسي و بعدين شيفاك ابتديت تغير

ضحكت نعيمه كتم بوئها نادر بسرعه وهو بيضحك

نادر….الله يفضحك انتي كمان مش كفايه عليا الفضيحه دي غيره ايه يا ام غيره بت بقولك ايه قولي لابوكي لجدك لاعمامك قولي للي تقوليله انتي شكلك هبله و معاكي شهادة معامله اطفال

رهف….استني هنا انت مش هتمشي الا لما تصلح غلطتك

نعيمه….بضحك مسكته استني بس والنبي ترضي بحكمي

نادر….بضحك اسكتي انتي انا مش طايقك

نعيمه….بضحك والله بتكلم جد

نادر….قولي يا اختي حكمك كملي وصلة الجنان الرسمي

نعيمه….قدامك حل من اتنين

نادر….ايه هما

نعيمه….بحضك يا تتجوزها وتصلح غلطتك زي ما قالتلك يا في حل تاني

نادر….ايوه ايه هو

نعيمه….بضحك تتكشف عليها زي ما انكشفت عليك واهو ميبقاش حد احسن من حد

بصلها نادر و فطس من الضحك

نادر…..قسما بالله هكلك بوكس يا نعيمه بت انا علي اخري

رهف….اه هي معاها حق يا تتجوزني يا تدخل تعمل زي ما انت كنت عامله

نادر فطس من الضحك هو ونعيمه مكانوش قادرين يسكتوا من الضحك وهي بصالوا ومكشره

نادر…..بضحك بص لنعيمه تخيلي دخلت وطيت زيها

نعيمه….بضحك ااااه الله يخربيتك الجواز اشرفلك صدقني

نادر…..بضحك تصدقي اه منك لله انتي وهي وسعي كده وسعي

رهف….استني هنا هتتجوزني امته