لقاء كارثي

الدكتورة….أيوة يا سارة ودي من أكتر الحاجات اللي بتسبب لخبطة عند البنات لازم نوضح إن البريود الحقيقية بتتوقف أثناء الحمل لكن بعض الستات ممكن يحصل عندهم نزيف أو نقاط دم خفيفة في مواعيد قريبة من موعد الدورة الشهريه فيفتكروا إنها دورة عادية أحياناً بيكون النزيف ده نتيجة تغيرات هرمونية أو أسباب أخرى مرتبطة بالحمل وعلشان كده بعض الستات بيكتشفوا الحمل متأخر.

المذيعة….طب إيه العلامات اللي المفروض تخلي العروسة الجديدة تشك إنها حامل حتى لو الدورة بتنزل أو بتجيلها بشكل غريب؟

الدكتورة…..في كذا علامة مهمة
إرهاق غير معتاد والنوم لفترات أطول ممكن ألم أو حساسية في الثدي أكتر من المعتاد.

كثرة التبول انتفاخ أو تقلصات مختلفة عن تقلصات الدورة المعتادة
غثيان أو نفور من أكلات وروائح معينة ارتفاع بسيط ومستمر في درجة حرارة الجسم بعد التبويض.

ولو فيه أي شك اختبار الحمل المنزلي أو تحليل الدم بيكونوا أفضل طريقة للتأكد

المذيعة….يعني مش معنى إن فيه دم نزل يبقى أكيد مفيش حمل؟

الدكتورة….بالظبط نزول الدم لوحده مش دليل كافي على عدم وجود حمل لو الدم مختلف في الكمية أو اللون أو المدة أو لو فيه أعراض حمل مصاحبة الأفضل إجراء اختبار حمل ومراجعة واستشاره الطبيب

المذيعه….طيب هو غالباً موضوع الحلقه انهارده عن وجود البريود مع الحمل وصلتنا رسالة من كاميليا بتقول أنا دورتي بقت غريبة شوية مرة تيجي بدري ومرة تتأخر ومرة تنزل خفيفة جداً فمش عارفة ده طبيعي ولا لأ وهل ممكن يحصل حمل اثناء الدوره

الدكتورة….هنقول تاني بصي يا كاميليا في نقطة مهمة جداً عايزة كل البنات يسمعوها أي بنت متجوزة وفي سن الإنجاب لو لاحظت إن الدورة الشهرية اتغيرت عن طبيعتها بشكل مفاجئ سواء في موعدها أو مدتها أو كمية الدم ماينفعش تفترض تلقائياً إن ده مجرد اضطراب هرموني ولا تسمع من اي حد متجوز و قالعا تجربته كلنا لينا تجارب مختلفه و مش كلنا زي بعض طبيعي الهرمونات بتتغير بعد الجواز بس وارد يكون التغير مش بس هرموني

المذيعة…يعني ممكن يكون فيه حمل فعلاً يا دكتور اثاء الدوره الشهريه

الدكتورة…أيوة طبعاً أحيانًا بعض الستات بيحصل عندهم نزيف خفيف أو متقطع ويعتقدوا إنه دورة شهرية لكن في الحقيقة ده بيبقي حمل في بدايته علشان كده أنا دايماً بقول