لقاء كارثي

سلمي…..اه يا حنون زورها واجعها و حساها دافيه صح

حطت ايدها علي راسها

حنان…..هي دافيه بس مش اوي يعني ممكن من المجهود و الرقص تييج تطلعي فوق ترتاحي شويه

ايه…..لا لا خليني هنا عشان نودي متزعلش

حنان….وايه اللي هيزعلها بس هي لو شافتك كده هتقولك اطلعي

سلمي….ما تطلعي يا ايه ترتاحي شويه

ايه…لا لا مش عايزه خلوني هنا

حسان…..طيب انتي بردانه تلبسي حاجه بدل الفستان او عليه حتي

ايه….مش عايزه والله انا خدت المسكن هبقي كويسه الوقت

…………

رشيد….عشري هو الفرح هيخلص علي امته كده

ايمي….تقريبا قالوا علي تسعه

عشري…. يعني تسعه تسعه ونص كده عشان علي ما الكل يتجمع والناس تركب و لو حد حابب يغير ولسه هتلنوا حاجتكم

رشيد….اه و ياريت تسعه كده البنات يبداوا يلموا حاجتهم بلاش نتأخر اوي عشان نمشي براحتنا عالطريق

عشري….كده كده الساعه ثمانيه الوقت

ليله….. ايمي تطلعي تريحي شويه فوق عشان الطريق

رشيد….اه اطلعي يا ايمي يعني ريحي شويه عالسرير عشان تقدري امنيه طلعت تريح شويه عمرو لسه واخدها فوق

ايمي…لا لا مش هعرف عشان نودي

عشري…ياستي كلنا هنا اطلعي ريحي

ايمي….مش تعبانه والله انا تمام

ليله….طيب انتي بردانه

ايمي….الجو هواء بس عادي مش بردانه والله البت ايه اللي شكلها تعبانه اوي

ليله…..اه شكلها خدت دور برد رخم

رشيد….خلوها تطلع تريح شويه عشان مرضيتش تطلع مع سلامه

ليله…استني هروح اقولها

راحت ليله عليهم و عشري راح معاها كانت سانده علي كتف سلامه

ليله…ايه قومي معايا اطلعي ريحي فوق شويه

ايه….لا مش عايزه يا ليله خلوني معاكم انا كويسه والله

عشري…يابنتي قومي لسه في طريق هتتعبي والله

سلامه…..مش راضيه

ليله…..ايه اسمعي الكلام و تعالي يلا

ايه….والله بقيت كويسه خدت مسكن خلاص

ليله….هقعد معاكي طيب مش هسيبك لوحدك

ايه….والله يا لولي انا كويسه انا بس زوري اللي كان واجعني و مناخيري مقفوله شويه بس خدت العلاج خلاص

ليله….طيب اطلع اجيبلك اي حاجه تحطيها عليكي

ايه…لا مش بردانه والله

سلامه….دماغها جزمه

ايه…..والله كويسه يا سلامه سيبني بقي

عشري…طيب خلاص خليها هنا كده كده شويه و الفرح يخلص

ليله….ابقي اطلعي غيري طيب عشان تبقي براحتك في العربيه

ايه….ماشي هشوف كده