لقاء كارثي

امينه…يمكن خايف عليكي يابتي شكله راجل شراني

ليله…خايف عليا من ايه ؟ انا الحق معايا مكانش لازم يخبي عني لا هو ولا عشري كان لازم اعرف عشان اشوف بنفسي القار ده جاي بناءاً علي ايه اتكلم مع المحامي بتاعي يفهم و يعرف و يجيبلي من حوه الخي نفسه اكتر من شخص بيقولوا ان البيت فعلا آيل للسقوط

احيب اخطار رسمي من الحي ان البيت فعلا جايلوا قرار ازاله وافهم القرار ده جاي ليه عشان منفعه عامه وقتها مش هقدر انطق لان قرارات الحكومه مفيهاش تغيير واللي هيسري عليا هيسري علي كل الملاك بما فيهم فرحات

بس بما ان الحي مش هو اللي عارض مبالغ للملاك يبقي كده لازم نفهم هل في اي حاجه مخالفه من ناحيه فرحات ؟؟ مفيش يبقي باي حق انت بتعرض المبالغ دي الا لو نيتكم مش سليمه

اللي هيجنني بجد ان وليد مسألش في كل ده مشافش بعينه شروخ مخالفات محاولش يسأل هو بس خبي عني طيب بتخبي لحد امته

وعشري كمان يعني لو وليد مش فاهم القصه انت ليه مقولتش ليه محاولتش تفهم

عشري الكبير….اسمعي يا بتي انتي معاكي حق في كل كلمه و كلامك كله صح و صدقيني مفيش اي شي بيحصل الا لو عرفتي من الحي نفسه سبب الازاله و تتأكدي من القرار و من صحته بس لازم تعرفي حاجه اخوكي و جوزك خايفين عليكي يمكن مش حابين يضايقوكي فعلا او يشغلوكي بحاجه و الاهم انتي ليكي رجاله يعني مينفعش تلغيهم

ليله…..انا ملغتش حد ولو كنت عرفت من فرحات نفسه مني ليه علي طول من غير ما يقول لوليد انا كنت هعرف وليد و كنت هعرف عشري بس هما اللي لغوني و خبوا عني

عشري الكبير….لا يا بتي محدش لغاكي في كل الاحوال كنتي هوعرفي اكيد بس صدقيني نيتهم كانت سليمه انا مش حابب تاخدي الموضوع علي ان محمد او وليد خبوا عليكي او كدبوا محمد كان بيحاول يلاقي حل يعني متزعليش منه

ليله….انا مش زعلانه من حد و انا مش فارق معايا الوقت الا بيت امي مشكلتي معاهم انهم خبوا و مش لاقيه سبب انهم يخبوا عني طيب اديني عرفت اهو و بعد ما خبوا عني باسبوع و انهارده هو متصل علي اميمه عشان عايز الرد او بمعني الصح التنفيذ مستني نروح نشيل عفش امي و نقبض تمن البيت

امينه…..هما سابوكي مع صحابك و محبوش يضايقوكي تفكيرهم كان اكده

ليله……امونه اوقات مينفعش اخبي عنك حاجه لمجرد انك هتضايقي لان لو كده كده هتعرفيها يبقي الافضل اني اعرفك من الاول عشان كل ما الوقت بيعدي هتعرفي و هتضايقي و يمكن تضايقي اكتر انا فاهمه دماغ عشري كويس وعارفه انه مش حابب يضايقني بس كان لازم اعرف حتي لو هتضايق اعرففي الاول واضايق بس اتصرف احسن ما الوقت يضيع مني و اضايق اكتر