لقاء كارثي

المفروض المجسم ده يطلع لحد الاوضه بتاعتها من الشباك بره عن طريق جهاز هواء و المجسم ده ماسك في ايده بوكيه الورد بتاعها و جواه علبه فيها خاتم جديد و رساله

مسك الموبايل و هو متحمس و اتصل عليها كان واقف هو و الشباب تحت

نادين…..الووو

عسال….بابتسامه بسرعه سيبي الي في ايدك و بصي من الشباك

نادين….في ايه

عسال….يلا مفيش وقت

استأذنت نادين من عمرو كان بيعمل شعرها راحت شيرين معاها هي و اختها بصوا

فضلت نادين تضحك و هي شايفه تويتي بيطلع و مقرب منها و حجمه كبير شيرين ضحكت و ضمتها من كتفها نادين كانت مبسوطه و متأثره و مدمعه و عناله تضحك و تبص لمامتها و اختها و تبص لميدو والشباب

وهما تحت واقفين مبسوطين و المصور بيصور اللقطه دي

طلع تويتي قدامها خدت البوكيه اديته لشيرين و مسكت العلبه والرساله وهي عماله تضحك و تعيط

فتحت العلبه بسعاده وبصتلوا و بعدين فتحت الرساله..

صباح الخير يا عروستي
يمكن النهارده أول يوم في حياتنا الجديدة لكن بالنسبة ليا هو اليوم اللي كنت مستنيه من زمان جداً
وأنتي بتلبسي الفستان الأبيض افتكري إن في واحد واقف مستني اللحظة اللي يشوفك فيها ومش مصدق إن البنت اللي بيحبها هتبقى ملكه بعد ساعات.

مستنيكي ومتحمس أشوفك أكتر من أي وقت فات بحبك يا احلي تويتي وعلي فكره توتيتي هيفضل جنبك يلا اجهزي بسرعه..

ضحكت نادين و هي دموعها نازله مامتها كانت متاثره وعماله تضحك و تحضنها

عسال….من تحت نووووودي

بصتلوا وهي بتمسح دموعها

عسال….بابتسامه تجنن بحبك

الشباب….اااااااااايه

فضلت تضحك حدفلها بوسه و قالها باي و مشي هو والشباب و المصور

قفلت الشباك و شيرين حضنتها اوي و مسحت دموعها كانت مبسوطه جدا و راحت كملت و هي في ايدها الخاتم و الرساله و قدامها في الشباك تويتي كأنه بيراقبها

كانت طايره من السعاده مش ملاحقه علي مفاجاته و لا جه في بالها خالص ان تويتي يبقي جزء من فرحتها ..

……….

خلصوا الشباب مهمتهم و راحوا مع بعض علي فوق يرتاحوا شويه و اللي حابب ياخد شاور و اللي حابب يجهز

جهزوا لبسهم كله بالترتيب عشان لما يتصوروا و يغيروا..

خدوا شاور و لبسوا كلهم مع بعض ارواب لونها اسود شكلهم ككان يجنن و يضحك و هما رايحين جايين في الظور يتصوروا و يرخموا علي البنات في اوضهم رشيد يخبط شويه علي اوضه ايمي و عشري علي ليله و فضل علي نعيمه