لقاء كارثي
لقاء كارثي
رهف….ياريتهم كانوا هما اللي شافوني علي الاقل مش هيحلوا ليا انما انت تحل و هتتجوزني و هتصلح غلطتك
نادر…..بضحك علي المجنونه اللي متعصبه عليه بجد انتي بتدبسيني يعني
رهف…..والله دي غلطتك
نادر….حلووووو وانا مش هصلح غلطتي حلو كده
رهف…..و انا هقول لابويا وجدي و اعمامي انك كنت واقف تتفرج عليا وانا موطيه
قربت نعيمه في الوقت ده ولمحت نادر من بعيد واقف قدام اوضه رهف و نغم
نعيمه….قربت منهم و ابتسمت بهدوء و بصت لنادر و غمزتلوا خير واقف كده ليه
نادر….وهو بيقلدها هو ايه اللي خير واقف كده ليه انتي كمان مفيش حاجه
رهف….لا فيه الحقيني يا نوني
نادر….نهار اسود و منيل ياستي مفيش دي مخها لاسع تعالي يلا
نعيمه….بضحك استني بس في ايه بحد
رهف…..انا هقولك كنت في التويلت و جهزت الشنطه بسرعه عشان لما نمشي و خلصت وقولت هنزل نسيت الموبايل رجعت تجيبه و سيبت الموبايل مفتوح و انا بدور عليه السلسله اتشبكت في السوسته من غير ما اخد باي برفع نفسي اتشدت و طارت هي و الحرف لاقيت السلسله بس الحرف طار تحت السرير و طيت اجيبه يقوم اخوكي يعدي و يشوفني و انا موطيه يا نوني و انتي فاهمه بقي فستان قصر و انا موطيه اكيد فهمتي شاف ايه
نعيمه….بضحك البضاعه كلها
نادر…..بضحك بضاعه ايه الله يخربيت عقلك
رهف…اهي اختك قالت ليه وليه بقي بقولوا صلح غلطتك و اتجوزني بقي بذمتك ينفع بعد ما اتكشفت عليه يخلع
نعيمه فطست من الضحك بصلها نادر و هو بيضحك غصب عنه
نعيمه….لا طبعا يخلع ده ايه دي تطير فيها ارقاب دي اهلها عرباويه
رهف….اهي قالتلك
نادر….بضحك وهو باصص لنعيمه بت ازبطي انتي كمان بدل ما ازعلك مش كفايه عليا مختله واحده
نعيمه…..بضحك الله يعني عشان اخويا اضيع حق البت
نادر…حق ايه يا ام حق يعني انا الحق عليا اني لما عديت وشوفتها كده نبهتها بدل ما حد من العمال يشوفها ولا واحد سكران يغلط في الدور و يعدي يشوفها كده يدخل عليها
نعيمه….ياعم تشكر بس ده مش موضوعنا الوقت انت شوفت البت و عشان نعالج الموقف ده يتعالج بالجواز يعني يرضيك انت تشوفها و غيرك يتجوزها
رهف….قوليلوا والنبي و بعدين هو قاصد علي فكره غرفته في اول الكوليدور ايه اللي جابه هنا
نعيمه….بضحك اه صح انت ايه اللي جابك هنا
