لقاء كارثي

تامر….احنا مش هنقعد كتير عشان الجو برد عليكي

ابتسمت و هزت راسها

نغم….طيب

تامر…..قوليلي بقي

نغم….. اقولك ايه

تامر….ايه الحاجه اللي عمرك ما جربتيها غير البحر ؟و نفسك تجربيها

نغم…..بصتلوا وبعدين ضحكت ضحكه هاديه حجات كتير بس انا عايزه افهمك حاجه

تامر….نفخ الدخان فهميني

نغم…..شوف مش كل حاجه مش بنعرف نعملها بتبقي بسبب احتياج او نقص فلوس

تامر…..اكيد طبعا احنا ممكن نبقي معانا فلوس كتير و منعملش حجات كتير مش موضوع احتياج او نقص فلوس

نغم…..بالظبط يعني بابا من زمان منفصل عن ماما بس ماما عمرها ما كانت محتاجه فلوس كتير يمكن احنا مش عيله غنيه و لا حتي عيله فقيره احنا عيله عاديه جدا ماما طول عمرها بتشتغل كانت مدرسه

يمكن مريم هي كانت اغني حد في العيله و انت اكيد عارف حكايتها و جوازتها و ورثها و عارف ان الكل بقي شايف مريم اهم حاجه في حياته تقدر تقول بالنسبه للعيله كلها كانت مصباح علاء الدين الا امي كانت بتحب مريم عشان هي اختها الصغيره و بس ماما كانت طيبه اوي اوقات كتير بحس انها تشبه طنط حنان مش في الشكل في الطباع

يعني كانت في حالها اوي ملهاش في اي حاجه بتشتغل وبس عشانا انا وانغام كل حياتها كانت بتخاف علينا جدا من اي حاجه و من كل حاجه كل فلوسها كانت رايحه علينا عمرها ما تحتاجت لمريم حتي في اوقات كانت بتتزتق فيها كتير بس مكانتش بتقول و لما مريم كانت بتحب تساعدها ماما كانت بترفض و تقولها مستوره كله تمام

بصراحه عمرها ما بخلت علينا باي حاجه يعني كانت بتجيبلنا احسن لبس احسن اكل اغلب الفلوس كانت بتتصفر عاي تعليمنا او حياتنا اليوميه عشان نعرف نعيش و منحتاجش لاي حد ولا ينقصنا حاجه

بس مكانش في رفاهيه بمعني ايه يعني ماما كان وقتها كله في الشغل و في الدروس كانت بتحاول طول الوقت تشتغل عشان تأمن حياتنا

بس مكانش مسموح لينا اننا نخرج من غيرها او نسافر او نعمل حجات كتير زي اي بنات من سننا هي كانت بتخاف و كانت ديما تقول اننا مسؤوليه كبيره ولازم تحافظ عليها

يعني مفيش اب مفيش راجل في العيله تقدر تتحامي فيه كانت بطولها و بصراحه الحاجه الوحيده اللي كانت بتحتاجها من مريم الحمايه لان مريم طول عمرها قلبها جامد او قويه تقدر تتحامي فيها في رجالتها كده يعني بس فلوس وصرف لا