لقاء كارثي

اول ما صحيوا فطروا و بدأ البنات تجهز نفسها و صل توما و التيم بتاعه علي الفندق نادين كانت مبسوطه اوي ان توما وافق يسافر و يجيلها كان الكلام بينهم انه هيحاول ولو مقدرش هيبعت التيم بتاعه بس فاجئها بوجوده و كملت فرحتها لان كلهم بيثقوا جدا فيه..

عدد التيم المرادي كان اكبر لان عدد البنات كان اكبر و بدأوا علي طول المرادي

كل الكبار نزلوا تحت يفطروا و يقعدوا قدام البحر في الهواء حتي الشباب نزلوا معاهم

البنات بس اللي كانوا فوق كلهم
شيرين و مروچ اختنادين كانوا فوق هما كمان

ميدو كان مشغول هو والشباب جدا بعد ما فطروا بدأوا يستقبلوا مع ميدو كل المعازيم اللي جايين من سفر

صحاب ميدو وصحاب سلامه وصحاب مصطفي و معارفهم و معارف البنات كان في ضغط كبير لكن كان في حماس يجنن حس ميدو ان خلاص العد التنازلي بدأ الكل بيوصل و هو و الشبب عمالين يسكنوا عشان يجهزوا

و كان رايح جاي يتابع شويه الناس اللي بتوصل و يتابع تجهيزات الفرح علي البحر اللي بتتعمل من بعد الفجر

كان في تيم شغال في التجهيزات زي خلية النخل جزء بيركب الاستيدچ و جزء بيركب كل ماكيتات الفرح و جزء تاني مهتم بترتيب التربيزات و الكراسي و المفارش و جزء تاني بيحط ورود في كل مكان في الفرح

الارض اتركبت بالكامل عشان يداروا الرمل خالص و تبقي ممهده للوقفه والاحتفال كانها قاعه مفتوحه.

محدش من الشباب كلهم اثر سواء صحابه او اخوات عشري واخوات فضل محدش كان قاعد بيحاولوا يريحوا ميدو لانهم شايفينه ملخوم و مرهق عمال رايح جاي بيحاول يطمن غلي كل حاجه بنفسه

حتي البوفيه كان مهتم بكل تفصيله فيه و فعلا كل حاجه كانت زي ما هو مختارها بالظبط

و من ضمن تجهيزات الفرح الجزء الخاص بالاطفال كان في مكان خاص بيهم فيه لعب و رسم علي الوش كان حابب يريح الكل عشان يكونوا في امان بعيد عن البحر

و كان في بنات من ضمن التيم مهمتهم بس يهتموا بالاطفال بطلوعهم و دخولهم جوه المكان

عشان اهلهم يكونوا متطمنين و في نفس الوقت قادرين يتبسطوا في الفرح من غيرهم و يبقوا قدام عنيهم ودي اكتر حاجه فرحت الامهات الموجودين

بعد ما خلص ميدو و الشباب مهتمهم و اطمنوا علي كل حاجه بنفسهم كان في اهم حاجه محتاج ميدو يعملها و يبدأ بيها يوم نادين الجميل

كان محضرلها مفجأه جايب مجسم لتويتي شكله يجنن عامل زي بلالين الهيليوم بس حجمه كبير و قف مع التيم بتاعه هو و الشباب و المصور