لقاء كارثي

قالي البيت سليم الحمد لله بس نضافه يا استاذه ليله للبيت و الصيانه الدوريه للبيت بتحميه قولتلوا وماله خد الخمسين الف اهم اديتهملوا بمزااااجي وانا عارفه ان البيت مش محتاج كل ده و عارفه ان مفيش حد في البيت هيدفع الرقم ده غيري بس قولت مش مهم عشان احافظ علي بيت امي كل حاجه تهون

البيت مفيهوش عيب يا وليد مفيهوش شرخ يوحد الله البيت بيتعملوا صيانه دوريه ان مكانش كل سنه عشان خاطر يقلبنا في فلووووس بيبقي كل سنتين يخترع اي حاجه عشان هو راجل مادي و هو عااارف ان انا عارفه انه مادي بس بمزاجي بعدي و بدفع هو مكلمنيش يا وليد عشان عارف انه مش هيسلك معايا و عارف اني معلمه عليه كتير ان مكانش بلساني فا بدراعي و اقولك انا بقي علي اللي فيها يا وليد انت بتقولي هتعملي ايه لا انا هعمل كتير اوي.

عارف ليه عشان فرحات غبي و انت صدقته هو بيقولك هيديك زي ما هيدي باقي السكان حقوقهم

اولاً كلامه ده يدينه و يعرفك انه نصااااب عارف ليه هقولك ما انا شغاله في العقارات من زمان و بقيت فاهمه اللعبه وهكلمك من ناحية القانون …

لو قرار الإزالة اللي جاي من الحي ده للمنفعة العامة زي توسيع طريق أو مشروع حكومي ففي الحاله دي بيبقي في تعويضات و بتتصرف من الجهة الحكومية المختصة يعني الحكومه هي اللي بتعوض الملاااك يعني مننا للحكومه و فرحات زيه زيناااا و وقتها محدش فينا هيقدر ينطق

اما بقي لو قرار الإزالة ده جاي من الحي بسبب مخالفة أو خطر إنشائي أو بناء غير قانوني فالوضع يختلف كتير الحي مش هيعوضنا اصلا والي هيعوضنا فرحات ورجله فوق رقبته ولو رفض في الحاله دي هنقاضيه و يتعرض للمسائله القانونية و يا الدفع يا الحبس.

وعلي حد علمي البيت لا عليه مخالفه ولا في ادوار غير قانونيه اتبنت و بما انه هو اللي عارض انه يعوضنا و مفيش اي حاجه في البيت مش قانونيه فا هنا في لعبه بتتلعب علينا و اظن انت كده بدأت تفهم انه جايب موافقه غير شرعيه من الحي بقرار ازاله عشان يهد البيت و يطلع بيه من تاني و يسكنوا ايجار جديد ولو علي الفلوس اللي هيدفعها مش هتفرق معاه لانه هيقدر في ظرف سنتين تلاته يرجعهم الضعف فهمت اللعبه يا وليد و لا لسه بصتلهم بضيق مستنين ايه بجد عشان تقولولي مستنين اشوف بيت امي بيتهد قدام عيني

عشري…..طيب ممكن تهدي و تسيبيلي انا و وليد الموضوع ده بيتهيألي انتي ليكي رجاله تتكلم بدالك انا عارف ان البيت ده غالي عندك و انا هتصرف يا ليله