لقاء كارثي

ابتسم عشري و رفع حاجبه و بعدين ضربها علي خدها براحه

عشري…..بتتعصبي عليا

ليله…..بصتلوا ليه خبيت يا عشري و متقوليش عشان متزعليش لان ده مش حل و انت عارف كده كويس

عشري….ماشي يا ستي لا هقول عشان متزعليش ولا هقول مش عايز انكد عليكي واشغلك ولا هقول كنتي تعبانه و مش حابب ارهقك بالتفكير اكتر تمام كده خلينا نقول اني قررت استني بعد فرح ميدو عشان ابقي فاضي و اعرف اتصرف براحتي ليله انا مخبتش علبكب بس لما اتكلمت مع ولبد اللي عرفتوا منه ان علتقتك بالراجل ده مش حلوه و اكيد انا مش هسيب مراتي تروح تتخانق مع راجل و كأني مش موجود او مش عارف اجيب حقها مينفعش تلغيني يا ليله انتي بقيتي في عصمه راجل قادر يجيب حقك من اي مخلوق في الدنيا

ليله….مين قالك يا عشري اني كنت هلغيك او هتصرف من وراك انا اه اقدر اجيب حقي كويس من اي حد و اعرف اقف بطولي بس ده لما كنت لوحدي لكن انت معايا ابنعم مش حابه ادخلك في مشاكل متخصكش بس علي الاقل كنت هعرفك

عشري….هو ايه اللي متخصنيش و ادخلك في مشاكل انتي هبله يا ليله اي حاجه تخصك تخصني اي حاجه تضايقك تضايقني مشاكل ايه اللي بتتكلمي عنها انا مقدر كويس انك مبتحبيش تدخلي حد في مشاكلك و مبتحبيش تكوني تقيله علي حد

بس انا مش حد يا ليله و لو انتي معتبراني كده يبقي المشكله عندك مش عند فرحات ولا عند غيره

ليله….انا نقولتش كده انا قولت اني لو كنت عرفت اكيد كنت هعرفك
بس انت عرفت وخبيت عني

عشري….عشان واخد عهد علي نفسي يا ليله مشغلش دماغك تاني باي مشاكل تضايقك انا معاكي عشان احل اي حاجه حتي من غير ما تعرفيها انا مهمتي ابعد عنك اللي يضايقك حتي لو يخصك و مضطر اخبيه اللي ليكي عندي بس انك تكوني مرتاحه و متطمنه وحاسه بالامان غير كده مش مطلوب منك تشغلي بالك بمشاكل و تضايقي نفسك و بوم يا ستي ما تحسي اني مقصر او مش عارف اجيبلك حقك من بوء الاسد ابقي جيبيه انتي تمام يا ليله اتمني بقي تنسي كل اللي حصل ده و كان مفيش اي حاجه حصلت نهائي و سيبي الموضوع ده عليا ماشي

ليله….بهدوء ماشي يا عشري

………….

الفرح انتهي و بدأ الكل يجهز نفسه الكل كانوا طالعين نازلين بيجيبوا حاجتهم عسال كان مع اداره الفندق هو و سلامه و عشري بيشوفوا لو في فلوس زياده تدفع و بيخلصوا كل الاجاراءات