لقاء كارثي

تامر….يلا دي فرصه مش كنتي حابه تجربي المايه اهي قدامك اهي

ابتسمت نغم بحماس و بسرعه نزلت علي الارض قلعت الكوتش و الشراب
حطتهم جنب الكوتش بتاعه و كانت مبسوطه اوي و هي لامسه برجلها الرمل و هو ساقع

تامر…..يلا قربي شويه المسي برجلك المايه

بصت علي الارض و هي مبتسمه وملامح وشها باين انها عندها رهبه و خوف و في نفس الوقت حماس رهيب

قربت معاه بهدوء و اول ما الموجه جات شويه علي بره و خرجت المايه و لمست رجلها بصتلوا و ابتسمت بسعاده فظيعه كانت عامله زي طفل اول مره بيجرب البحر مسكت في ايده بسرعه لما الموجه اتسحلت تاني علي البحر و حست ان رجلها بتتسحب مع الرمل و بتتجذب لجوه

تامر….بضحكه جميله متخافيش امسكي نفسك مبسوطه ؟

نغم…. بضحكه جميله و سعاده متتوصفش اوي بجد دي حلوه اوي بس هي ليه بتسحب

تامر….مش بتسحب ولا حاجه احنا واقفين بره بس الرمل بيتسحب شويه مع الموج جذب يعني متقلقيش يلا بصي للبحر و اتمني

نغم….. بابتسامه يعني اتمني بصوت عالي ولا لا

تامر….بضحك براحتك حابه تقوليها بصوت قولي حابه يكون ده اول سر بينك و بين البحر قوليها بقلبك عادي علي فكره الامنيات ممكن تكون سر

ابتسمت نغم بهدوء و بصت للبحر تاني و بسرعه مسكت دراعه لتاني مره لما موجه قربت منهم و حست انها بتسحب رجلها و هي بترجع تاني لجوه

تامر…. بضحك متخافيش غمضي عينك و تخيلي انك جوه البحر يلا

فضل مادد دراعه و هي ماسكه فيه ابتسمت بهدوء و غمضت عينها و بقت حاسه بالمايه والرمل و الساقعه و كانت مبسوطه بجد حاسه انها حاضنه البحر احساسها مكانش ليه وصف كانت مبسوطه بجد

و فضلت مغمضه كتير وهي بتتمني كأنها مصدقت تستغل الفرصه اللي اول مره تجربها..

فضل تامر باصص عليها و مبتسم كان مراقب ملامح وشها ابتسامه جميله و هدوء و سعاده و حماس و كان فرحان انه خلاها تعمل كده و تجرب فكره انها اول مره تشوف البحر و تلمسه كانت مزعلاه و مان حابب يخليها تحرب حتي لو شعور بسيط اوي عشان تتبسط

سابها براحتها و مقاطعهاش و بعدين فتحت بهدوء و بصتلوا وابتسمت

تامر…. بابتسامه هاديه كل دي امنيات

نغم…..بضحكه جميله لا هما ثلاثه بس

تامر….اممم طيب سر ولا ينفع اعرف حاجه فيهم

نغم….بابتسامه ااااا ممكن اقولك واحده بس يعني اشاركك فيها عشان لو اتحققت تبقي عارفها معايا