لقاء كارثي

شافوا معاها مشوار طويل و كأن في شريط ذكريات مر قدام عينهم من صعوبات ومشاكل و حزن و وجع للحظه اتمنوها كتير وفرحت قلبهم لما شافوها بفساتها الابيض

نادين من اول ما خرجت و هي عينها كلها دموع و صدرها عمال يطلع وينزل بسرعه عينها كانت راحه جايه عليهم و علي ميدو بالاخص كان واقف قدامها بعيد كانت حاسه ان الخطوات اللي بينهم هي اخر خطوات ممكن تفرق بينهم تاني ..

صوت الزغاريط و التسقيف و التصفير كان عالي جدا الكل متحمس و مبسوط شيرين كانت بصالها بصه لاول مره تبصهالها يمكن مكانش ليها معاها ذكريات تفتكرها بس من اول ما دخلت في ايد عاصم و هي دموعها مش مبطله قلبها اتخطف مهما حصل و مهما مرت ظروف في النهايه بنتها و حته من قلبها شيفاها قدامها عروسه

لحظات بسيطه هي كمان مر قدامها شريط طويل من عمرها اتمنت للحظه لو كانت الحياه مشيت زي ما كانت تتمني و يفضلوا عيله واحده بس الحياه بتتغير في يوم وليله والاهم انها شايفه بنتها عروسه

نزل عاصم كام خطوه و وقف علي درجه عاليه و بص لنادين بحبو سعاده و استنوا ميدو يقرب..

وفي اللحظه دي اشتغل كلام بصوت ميدو مع موسيقي هاديه تجنن
اتحرك ميدو بهدوء ناحيتهم و الكل عمال يسقف و مبسوط فرحه الشباب بيه كانت كبيره اوي نفس احساس البنات بنادين اصغرهم و حبيبهم و اخوهم اللي خاطف قلبهم اخيرا بقي عريس و اخيرا هيرتاح

ميدو كان بيتحرك و هو عينه علي نادين و هي عينها عليه و عناله تعيط و هي سامعه كلامه شغال و البنات كاهم مدمعين وبيضحكوا ومبسوطين..

عسال….نادين..
من أول يوم عرفتك فيه وأنا كنت مستني اللحظة دي مستني اليوم اللي أمشي فيه ناحيتك وأنا عارف إنك خلاص بقيتي نصيبي وقدري.

النهارده وأنا شايفك قدامي انا بحقق أجمل حلم حلمته حاسس إن كل خطوة باخدها ليكي بتقربني من الحياة اللي نفسي أعيشها.

جاي اخد إيدك. مش عشان نمشي يوم ونقضي يوم حلو وخلاص انا جاي اخد إيدك عشان نمشي عمر كامل مع بعض

أوعدك إني أكون سندك وقت ضعفك وفرحتك وقت حزنك وبيتك اللي ترجعيله مهما تعبتك الدنيا.

النهارده مش بداية فرح بس.
النهارده بداية حكايتنا إحنا الاتنين
و اجمل خطوه همشيها انهارده هي اخر خطوه بيني وبينك
تعالي يا نادين يلا ابداي معايا الحكايه بحبك….
قرب ميدو وهو عينه عليها و مبتسم و هي عماله تعيط