لقاء كارثي

رقصت نادين مع شيرين علي اغنيه امورتي الحلوه كانت رقصه تجنن شيرين دموعها نازلها و بتضحك و نادين متأثره و عماله تعيط و تحضنها البنات كلهم كانوا عاملين دايره عليهم

رقصوا كتير و اتجننوا اكتر و الشباب رقصوا معاهم و كانوا فرحانين بنادين اوي

من الساعه اربعه لحد خمسه ونص و الاجواء تجنن كلها سعاده و فرحه و رقص مكانش في حد قاعد علي كرسي او تربيزه حتي الكبار كانوا مبسوطين البحر خلي عندهم طاقه غير عاديه مبسوطين بجد الحاله اللي كانت بينهم كانت تجنن

الشباب خدوا ميدو و طلعوا بسرعه يغيروا قلعوا البدل و لبسوا قمصان بيضا صيفي شكلها يجنن فاتحين الزراير و بناطيل لونها ابيض كتان شملهم كان صيفي و مبهج و قمرات و يخطفوا القلب لبسوا نضارات شمس زادت من جمالهم

نزلوا اتصورا مع البنات كانوا هما لابيسين ابيض والبنات لابسين بيبي بلو شكلهم كان يجنن عملوا احلي فوتو سيشن

ميدو اتصور مع البنات كلهم كان هو بس اللي لابس ابيض وسطهم الصور مع البنات كانت تجنن

ثواني و طلعوا بسرعه غيروا تاني لبسوا قمصان بيبي بلو بقي شملهم اخلي واجمد و نزلوا تاني الشباب اتصوروا مع نادين صور تجنن كلهم بيبي بلو وهي في وسطهم لابسه ابيض كان منظرهم ياخد العقل

وصورهم معاهم كانت حلوه اوي و بعدين اتصور ميدو معاها صور كتير

كان في حاله من البهجه مش طبيعيه و الصور اللي اتصوروها كانت بجد تجنن

شويه و طلعت نادين تغير و تلبس الفستان التاني الساعه كانت سته وربع تقريباً الجو بقي احلي واجمل الغروب خلاص نزل و الشكل بقي خيال

في اللحظه اللي نادين كانت بتغير فيها كان ميدو بيجهزلها اهم واحلي مفاجأه مستحيل تنساها ابداً

لبست نادين فستان ابيض قصير اللي ليله اقنعتها بيه..

غيرت بسرعه تسريحه شعرها و خلته سايب و حطت بدل الطرحه تاج صغير شيك وهادي و لبست بدل الهيلز كوتش ابيض خاص بالافراح كانت قمر

خلصت و خرجت لقت قدامها سلامه مش ميدو

سلامه….بضحكه جميله اوووعي العروسه بتاعتي

نادين….بضحكه جميله خضتني يا سلامه

سلامه….بضحك ايه القمر ده يلا بينا انا العريس انهارده

نادين….بضحك فين ميدو

سلامه….لا ميدو ايه بقي انا خطفته هتنزلي معايا انا و لا ابوظ الفرح

نادين….بضحك لا وعلي ايه يلا بينا

مسكها سلامه ونزل بيها علي تحت وقف ثواني مع التيم جوه قبل ما يخرجوا تاني