لقاء كارثي
لقاء كارثي
سلامه……يارب يا قلبي سلامتك يا صاحبي
ايه….بابتسامه الله يسلمك
طلع قعد جنبها و فضلوا قاعدين شويه لحد ما شربت نصها و مقدرتش تكمل
سلامه….كملي
ايه….لا مش قادره خلاص والله
سلامه…طيب يلا تعالي في حضني نامي بس وريني كده انتي سخنه
حط ايده علي راسها
ايه….ايه سخنه؟
سلامه…لا الحمد لله يلا نامي بقي عشان علي بال الصبح كده تكوني روقتي
ايه….ماشي
خدها سلامه في حضنه وقربها منه اوي كانت حاطه راسها علي صرده وحضناه فضل يمشي ايده علي شعرها و يبوسها من راسها شويه بسيطه ونامت و راحت في النوم مان باين من صوت نفسها ان عندها برد و صدرها تاعبها غطاها كويس و كان خايف تتعب اكتر كأنها بنته فضل صاحي شويه لحد ما غمض هو كمان ونام.
……………….
في غرفه حسان و سلمي
سلمي….بهدوء حسان حسان
حسان….بنوم ايه يا حبيبي
سلمي….انت نمت؟
حسان…..بابتسامه هاديه انتي شايفه ايه
سلمي…..طيب قوم
حسان….اقوم اروح فين ؟
سلمي….قومي بسر ارفع نفسك هقولك
فتح عينه شويه و رفع نفسه علي المخده وبصلها
حسان…..ايه في ايه
سلمي……اااا انت ليه هتنام
حسان…..يعني ايه ليه هنام بكره في يوم طويل وهنصحي كلنا بدري و بعدين انتي مش كنتي عايزه تنامي و قولتي ضهرك وجعك من القاعده تحت
سلمي….اه قولت
حسان….طيب في ايه يا حبيبي يلا نامي
سلمي….اااا مش عارفه
حسان……بصلها شويه انتي جعانه ؟
سلمي….لا
حسان….طيب في ايه ؟
سلمي……حسان بصراحه انا خايفه
حسان….بضحكه جميله خايفه من ايه ؟
سلمي…. بابتسامه خايفه من حكايات الرعب اللي حكيتوها كلكم دي و بعدين الفندق غريب كده عليا و انت حطيت راسك نمت و سايبني عماله ابص علي الاوضه
حسان…..بضحك انتي بتتكلمي جد
سلمي…..بابتسامه اه بتكلم جدوالله خايفه
حسان….خايفه من ايه يا عبيطه غمضي عينك ونامي و بعدين انتي في حضني
سلمي…..في حضنك وانت مغمض و نايم علي الاخر و انا عماله افتكر الصوره بتاعت دولا اللي لقاها في الصحراء
حسان…..بضحك طيب ما انتي اللي مركزه
سلمي…..طيب خليك كده عمال تضحك و وسع كده بقي انا مش نايمه جنبك
حسان….بضحك مسكها من ايدها استني بس بلاش لعب عيال رايحه فين
سلمي….خارجه بره هشوف اي حد من البنات صاحي
حسان….هتخرجي كده
سلمي….اه انت مالك
