لقاء كارثي

عادل…..فضل بيحبك و انا واثق فيه يا نعيمه و عارف انه ميعملش كده

نعيمه….وانا واثقه في اللي سمعته

نجلاء…..هو اب حاجه نسمعها نصدقها

نعبمه….انا لو مش هصدق ودني هصدق مين

عادل…..بعصبيه صدقيه هوووو صدقي الراجل اللي رميتي دهبك ليه مع صاحبتك و فاجئتيه بسفرك و مع كل ده سامحك انا لو مكانه مسامحش لا عالطريقه اللي اتسابت بيها ولا علي سفرك بدون علمي حتي لو خطيبك ولسه مليش حكم عليكي
برضوا مش هسامح علي عدم احترامك ليا

نعيمه…هو انت معايا ولا معاه يا بابا

عادل….مع الحق و الاصول و الحق بيقول الراجل ده لو مش متمسك بيكي مكانش سامحك مكانش قبلها علي كرامته ورجولته كان شيطانه ركبه وخلاه شك فيكي باكتر من طريقه و لو هو عايز يعمل كده كان عملها باكتر من طريقه كان عملها عشان يرد كرامته كان عملها عشان يوصلك انك مش فارقه معاه عشان يحسسك ان عايش حياته عشان يضايقك و يوجعك زي ما وجعتيه

بس هو معملش كده يبقي علي الاقل الاصول بتقول نسمع و نهدأ و ندي فرصه نفهم مش نتجنن

نجلاء…..براحه يا نعيمه ابوكي معاه حق فضل بيحبك وانتي عارفه ده كويس استهدي بالله و لازم تتكلموا و تسمعيه دي مكالمه وارد اوي تبقي غلط انتي مشوفتيش حاجه بعينك و حتي لو مصدقه المكالمه مش دي اللي تبوظ اللي بينكم اديه فرصه حتي يثبتلك انك غلط

بصت نعيمه جنبها وهي مضايقه اوي

اتصلت عليها ايمي كنسلت شويه و اتصلت عليها ليله كنسلت و فهمت انهم عرفوا..

………………

عشري…..بعصبيه سمعتتتتتتت هدي سرعتك

ليله….هات يا عشري لحظه الووو

فضل…. ايوه يا ليله

ليله…ايمي قالتلي اللي انت حكيته لرشيد ممكن تهدا و تمشي براحه وانا هتصرف

فضل…..تتصرفي في ايه نعيمه متخلفه يا ليله و هتجيبلي جلطه البت بتقولي يا بتاع النسوان

ليله….بضحكه جميله يا عم بتحبك وبتغير عليك و بعدين دي بتسيطك هو الكلام بيلزق اهدا عشان خاطرنا وسوق علي مهلك و انا هروقلك عليها

فضل…ودين الله يا ليله ماعرف البت الحوار راكب عليا تفصيل كانها تعرفني

ليله….طيب اديك بتقول راكب عليك بعني هي معذوره

فضل….بس لازم يكون في ثقه يا ليله

ليله…اكيد بس في اوقات يا فضل الست لما بتغير غيرتها بتعميها سيبها هي هتهدا هتتكلموا هتفهم انا هتكلم معاها انا وايمي و خلاص حوار بسيط والله