لقاء كارثي
لقاء كارثي
فضل….متعليش صووووووتك و نفيش نزول بطلي هبل انتي مش واثقه فيا
نعيمه….لا مش واثقه فيك انا واثقه في اللي سمعته
فضل….واشمعني انا موثقتش في اللي سمعته انا سبتيني وسافرتي
بصتلوا نعيمه بصدمه
نعيمه….قصدك ايه
فضل… ايه حلو ليكي تشكي فيا و تضايقني و زعلتي اوي من كلامي اه يا نعيمه لما سافرتي سمعت حجات كتير بس مصدقتش و ثقتي فيكي كانت اكبر
نعيمه…..ليه و انت فاكر اني سيبتك عشان اروح لغيرك
فضل….انا مقولتش كده انا قولت اني مصدقتش مع ان وضعي معاكي كان يديني الحق اني اصدق
نعيمه….بس مصدقتش مش عشان وضحك انت مصدقتش عشان ممسكتش عليا حاجه زي ما انا مسكت الوقت
فضل….يا بنتي انتي هبلللللله بقولك معرفهاش و دين الله ما عرفها
نعيمه…..البت بتكلمك بثقه وتقولي معرفهاش بتقولك هترجع امته من السفر ايش عرفها هي انت فين
فضل….هي قالتلي هترجع امته من السخنه و لا بتتكلم عادي
نعيمه….وهي دي مشكلتك يعني عارفه اسمك و عارفه انك مسافر فارق معاك اوي انها تقولك السخنه فضل نزلني بقولك بدل ما افتح الباب واعملك مصيبه
مسكت موبايلها واتصلت علي نادر
نادر….ايه يا نوني
نعيمه…….نادر انت شايف عربيه فضل
نادر…..اه انتوا قدامنا
نعيمه….طيب قرب شويه واقف
نادر…..في ايه
نعيمه……اخلص بقووووولك
نادر….طيب طيب سلام
فضل….نعيمه اللي بتعمليه ده مش هينفع المشكله هتكبر
نعيمه…. خليها تكبر علي دماغك يا بتاع النسوان انا اصلا مش عايزه اعرفك تاني
فضل….يا بنتي نسوان ايه متجننيش امي و دين الله ما اعرفها
نعيمه….نزلني نادر ورانا
بص فضل في المرايا نادر كان عمال يعمل بالكشاف
فضل….نعيمه طيب خلينا نتكلم و هتصلك بيها تاني
نعيمه….بقولك نزلنيييييي
بصلها بغضب و قرب من الطريق خد يمين وفضل يهدي لحد ما وقف و وقف نادر وراه
فتح نعيمه الباب و نزلت و فتح فضل بغضب و نزل وراها
نادر نزل و عادل كان قدام مش فاهم حاجه و نجلاء كمان بتبص عليهم مش فاهمه
ركبت نعيمه وراء جنب امها
نادر….في ايه يا فضل
فضل…..اختك شكلها اتجمنت علي الاخر
نادر….طيب اهدا حصل ايه
نزل عادل بسرعه و قرب منهم
عادل….في ايه يا ابني
فضل…..والمصحف ما اعرف اتصل عليا رقم غريب و انا موصل التليفون بالبلوتوث قولتلها تفتح ردت بنت بتقولي انت فين و فضلت تكلم قولتلها الرقم غلط قالتلي انت بتهرج يا محمد هترجع امته من السفر فين قالتلي اسفه الرقم غلط نعيمه مصممه اني اعرفها وانا ودين الله ما اعرفها انا محدش بيقولي محمد غير اهلي كل الناس عرفاني بفضل
