لقاء كارثي
لقاء كارثي
حسان….عشان اكسر دماغم
سلمي….بضحك بصتلوا وهي مصدومه تكسر دماغي انا
حسان…اه مش عاجبك ولا ايه عايزه تخرجي كده
سلمي….اكيد يعني هلبس حاجه
حسان….نامي هنا تعالي مفيش خروج
سلمي….طيب انا خايفه والله
حسان….طيب تعالي في حضني يلا ومش هتام غير لما تنامي تمام كده
سلمي….قولت كده من شويه و نمت قبلي
حسان…. بضحك عشان هموت وانام بس خلاص مش هنام يا ستي يلا تعالي نامي بقي
سلمي……ماشي قربت من حضنه و فضلت مفتحه
حسان…..بابتسامه طلعتي جبانه
سلمي…علي فكره بقي مش جبانه و مش بخاف بس هما اللي فضلوا يحكوا حجات تخوف و بعدين المنظر بره مرعب و الاوضه شكلها بخوف و انت قافل كل الانوار
حسان…..فين اللي شكلها بخوف ما هي حلوه اهي دي هنا طلعت شجاعه عنك
سلمي……يعني انت مخوفتش
حسان….بضحك لا يا عبيطه و يلا غمضي بسرعه عشان لو منمتيش في خمس دقايق هنام واسيبك غمضي
سلمي….بابتيامه طب احلف انك هتستني احد ما انام
حسان….بضحك سلمي انتي هايفه بجد
سلمي…. بضحك والله العظيم خايفه و معرفش ليه خايفه كده و بطل تضحك عليا
حسان….بضحك باسها من خدها طب خلاص يلا والله مش هنام الا لما تنامي ماشي
سلمي….بابتسامه ماشي
……………….
قعدت ليله في البلكونه و عشري كان بياخد شاور حطت السماعه في ودنها و ولعت سيجاره و اندمجت اوي مع ڤديو سمعته..
حوار بين دكتوره نساء و مذيعه..
المذيعة:
طيب معانا رسالة تانية من نور بتقول أنا مكانتش عندي أي أعراض حمل تقريباً لا ترجيع ولا دوخة واكتشفت إني حامل بالصدفة في الشهر الرابع هل ده عادي يا دكتور؟
الدكتورة…طبعاً عادي وده وارد جداً مش كل الستات بيحسوا بنفس أعراض الحمل في ستات بيكون عندهم غثيان شديد من أول أسبوع وستات تانية بيكملوا شهور من غير أعراض واضحة الحمل مش شرط ييجي بنفس الصورة عند كل الستات في منهم حملهم صعب و من بدايته لنهايته بيمروا باصعب شهور في حياتهم وفي نموذج تاني و لا بيحس باي حاجه غير ان بطنهم بتكبر و البيبي بيتحرك و تعدي عليهم الشهور سهله يغني الترجيع الغثيان اعراض الحمل عم ما مش مقياس
المذيعة…. طيب عندي رسالة تانيه يا دكتور من سارة بتقول أنا متجوزة بقالي اربع شهور والبريود كانت بتنزل عليا كل شهر بشكل قريب من الطبيعي وبعدها اكتشفت إني حامل هل ده ممكن يحصل فعلًا؟
