لقاء كارثي
لقاء كارثي
عشري….بضحك اه يا توما
عدي….بضحك انا بقول ادخل يا تونا واحنا هنمشي خلاص قبل ما تحصل جريمه هنا
توما…. الله اكبر جريمه ده ايه بعد الشر
علي…..بضحك ابويا معاه عصايه يا شباب و لو جابها مضمنش هيحطها فين
ضحكوا كلهم علي كلمه علي و منظر عشري الكبير وهو باصص لتوما كان يموت من الضحك
ليله….بضحك توما ادخل كمل يلا عشان مفيش وقت انا همشيهم خلاص
توما…..ماشي يا برنسيسه انتي شويه و جايلك
ليله….بضحك ماشي
عشري الكبير….جايلها فين هاذا و انت ياللي رافعهم للسماء تاركه يقول لمرتك جايلك
كلهم ماتوا من الضحك
عشري….بضحك طب ليه الغلط يا حاج يقصد يعملها الميك اب يعني متقلقش كله تحت السيطره
عشري الكبير….ميك اب ايه و هباب ايه وفينها السيطره دي يا مخبول منك ليه و جنسه ايه راجل ولا مره
حسان….بضحك ابوك هيموتني
فضل….بضحك ده نص نص يا خال يعني ميتخافش منه
ليله…..بضحك متقلقش يا قلبي ده توما طيب اوي
عشري الكبير…..اسمه توما !! عليه العوض و منه العوض و انتوا مبسوطين اوي
عشري…..بضحك متقلقش امان
عشري الكبير…..ما لازم يكون امان لا باينلوا اصل من فصل جتي لبشت الله يسامحكم
سلامه…..صدقني يا عم عشري عصايتك هي الحل كانت هتختصر كلام كتير
عشري الكبير…بابتسامه ميتحملهاش يا ولدي يروح مني
ضحكوا كلهم عليه و شويه و دخلوا تاني علي اوضهم
الشباب كانوا عاملين فرح في الاوضه مع عسال اغاني و رقص و المصور معاهم مش سايبهم
البنات كانوا بيجهزوا و مقضين وقت حلو مع بعض و مبسوطين جدا.
الاصوات بره كانت عاليه و الشباب كانوا مهيبرين هيبره غير عاديه المرادي صوتهم عالي بيضحكوا بيغنوا صوت الاغاني خارجه من اوضهم داخلين خارجين ولا كانهم في مصيف مبسوطين ان الدور كله بتاعهم فا واخدين راحتهم
كل مره البنات بتبقي مهيبره اكتر منهم المرادي الوضع غير كأنهم زي ما قال توما عاملين دماغ
كلهم متأقلمين مع بعض بطريقه مش طبيعيه ضحك و هزار و اجواء تجنن جاسم اخو نادين اندمج كعاهم جدا كأنه يعرفهم كان مبسوط اوي و مشاركهم الاجواء و رايح جاي مع ميدو و مصطفي و سلامه و الشباب الصغيره كلهم…
الوقت كان بيعدي بسرعه جدا الكل بيلبس الشبب لبسوا بدلهم و جهزوا و ظبطوا ميدو اللي كان طاير من السعاده و كان زي القمر سلامه كان فرحان فرحه مش طبيعيه كأنه بيجوز ابنه
