لقاء كارثي

سلامه….طيب في حاجه معرفهاش

ايه….لا مفيش معرفش بس انا من وقت ما تعبت و بعدها الظروف اللي احنا فيها دي حاسه اني نفسيا مش مظبوطه و مش هعرف اركز في الشغل

ليله…..طيب متنزليش الوقت خالص خدي بريك طويل شويه و اوعي تاخدي قرار مصيري في حاجه تخص شغلك او حياتك و انتي تحت تأثير ضغط نفسي لان الكبيعي انك هتنفري من اي حاجه وقرارك هتندمي عليه

رشيد…..ليله معاها حق انتي ممكن نفسيا مضغوطه التعب عملك اكتئاب لان انا لما بتعب بيحصل فيا كده علي فكره و ببقي مش قادر اعمل اي حاجه فا خدي وقتك

حسان……علي فكره يا ايه الشغل يا اما يخرجك من الحاله دي او لو انتي فاقده الشغف خالص مش هتقدري تركزي و هتبوظي الدنيا فا انتي اكتر حد تقدري تحكمي علي نفسك و تشوفي الشغل هيساعدك ولا هيضغطك اكتر و علي الاساس ده قرري

عسال…..انت معاك حق يا حسان بس انا ليا راي تاني ايه بتحب شغلها و بتعتبره هوايه وتسليه اكتر ما هو شغل لانها بتحب اللي بتعملوا فا من رايي تعالي علي نفسك وانزلي حتي يوم واحد وجربي حسيتي ان مودك اتغير كملي محستيش خدي بريك تاني بس لازم تحاولي

ايه…..مش عارفه انا حاسه اني اتقفلت مره واحده من الشغل لدرجه اني حاسه اني مش هندم

ليله….صدقيني لو قرارك ده بسبب نفسيه مش تمام هتندمي عشان كده خدي وقتك و استني شويه الظروف دي تتحسن و بعدها خدي قرارك

نعيمه…..حرام يا ايه تسيبي شغلك انتي بتحبي الحيوانات و شاطره اصلا في شغلك بجد متعمليش كده اصلا مع الوقت هتزهقي وانتي مش واخده علي انك تقعدي من غير شغل

ايمي…..بصي يا ايه لو انتي حابه متكمليش و تركزي في بيتك و مع سلامه و حابه انك متشتغليش تاني و مبسوطه بالقرار ده اعملي اللي يريحك بس لو حاسه ان ده نفسيا اكتر يبقي بلاش تاخدي القرار ده الوقت استني شويه يمكن تغيري رايك لما كا الاوضاع دي تتحسن

سلامه….هي اكيد هتستني انا عارف ان ايه مضغوطه التعب اصلا زي ما سيد قال كان عملها اكتئاب لان ايه عامله زيه مش بتحب التعب و هي علي طول اكتيڤ فا اتخنقت و اكيد المود اللي احنا فيه مأثر عليها فا مش هتاخد قرار غير لما الدنيا تهدا خالص

ليله….بالظبط ده الصح

عشري….انتوا لازم تطلعوا من اللي انتوا فيه ده لازم تساعدوا بعض لان كده مش كويس عشانكم