لقاء كارثي

قرب حسان وسامي منهم

حسان….بصي يا نعيمه سيبك الوقت خالص من موضوع لما يفوقوا ويعرفوا اهم حاجه حاليا ان حالتهم مستقره و ان الغيبوه دي مؤقته و ان كل حاجه في جسمهم شغاله بشكل طبيعي و مفيش حاجه اتاثرت اطمننا وكله تمام طيب اللي بعده نفكر في انهم فاقوا و بخير و احسن بعدها حالتهم بعد ما فاقوا في حد فيهم متأثر باي حاجه مفيض الحمد لله اللي بعده الجزء بتاع التعافي الكسور هتاخد وقت قد ايه طيب حالتهم تسمح بايه كمان في حاجه اكيد محدش فينا هيدخل عليهم يقولهم الحادثه كانت سبب في موت الوكم وامكم في طريقه و في اسلوب و في خطوات يعني لازم تتجاب واحده واحده اركني بقي كل ده علي جنب و متفكريش في اي حاجه غير ان اخواتك عدوا مرحله الخطر و بيتحسنوا

منفكرش بقي في مين كان قاعد فين و مين المفروض بحصلوا ايه اكتر من التاني حسوا بايه شافوا ايه خافوا ازاي كل دي حاجه في علم الغيب انتي اللي عليكي بس تدعي و تطلبي من ربنا انهم يقوموا بالف خير وتهدي علي نفسك انا عارف انه صعب بس حاولي عشانهم زي ما البنات قالوا شكلك قدامهم هيخليهم يحسوا ان في حاجه و مش لازم يحسوا بده الا لو بقوا في حاله تسمح انهم يستقبلوا خبر زي ده فهمتي

سلامه…واكيد يا نعيمه محدش فينا هيسيبك تتكلمي مع اخواتك لوحدك يعني انا وفضل والشباب هنبقي معاكي وانتي بتتكلمي مع نادر لو مش هتقدري احنا هنتكلم هيبقي معانا حمودي مثلا او حماده اب حد هيقدر يوصلهم الموضوع بطريقه يتقبلوها المهم مش هتبقي لوحدك و نفس الكلام علي نسمه البنات معاكي والكل معاكي متقلقيش و هتعدي صدقيني

رشيد…نعيمه افتكر يكلامي ده كويس بكه اخواتك يتقبلوا الموضوع اكتر منك عارفه ليه لانهم كانوا في الحادثه و شافوا بعينهم اللي حصل يعني هيقدروا يتوقعوا ان الموضوع مكانش سهل عكسك انتي انتي كنتي بره فا الموضوع صعب عليكي

حسان….صح هما كانوا في قلب الحدث نفسه و عارفين ان الحادثه مش سهله فا هيستقبلوا الموضوع و هما عارفين ان كان لازم يحصل ده

ليله…..انسي بقي كل حاجه الوقت و خلي كل حاجه في وقتها لما يفوقوا نبقي نفكر في الخطوه اللي بعد كده

نعيمه….مسحت دموعها ماشي تمام طيب ممكن بقي نتكلم في حاجه مهمه الوقت و لو بجد بتحبوني ريحوني

رشيدد…..حاجه ايه يا نعيمه