لقاء كارثي

رحاب…..بنبره حزن و توتر و احراج ااا انا مش زعلانه منك يا عشري ولا زعلانه من اي حد والله متعتذرش كفايه ان ليله قالت اللي حصل و اهم حاجه انها بخير انا عذراكم والله و يمكن انا كمان غلطت مكانش لازم اسمع كلامها بس انا عشان كنت معاها في الموقف و شايفه الكل بيقع قدام عيني وعينها غصب عني سكت و سمعت كلامها بس والله مكانش قصدي يحصل اي حاجه وحشه ليها بالعكس ربنا عالم ان لو كان في ايدي حاجه تنقذها او تنقذ اللي في بطنها مكنتش هتأخر

ليله….ااا رحاب لا انا ولا انتي كان في حاجه في ايدنا الحمد لله علي كل حاجه بس ده حقك انتي معملتيش غير اللي طلبتوا منك و انا بعتذرلك قدام الكل بالنيابه عن عشري و ايمي و ايه و اي حد زعلك من البنات اسفه لاني حطيتك في موقف كبير بس بجد شكرا لولا وقفتك معايا انا كان جرالي حاجه متزعليش مني

رحاب….بخنقه لكن مسكت نفسها ااا خالص والله مش زعلانه انا كنت خايفه عليكي بس و مش مهم اي حاجه حصلت ده حقهم اكيد هما اخواتي و عشري اخويا والله و انتي حد جميل يا ليله و بجد انا عارفه انك مضايقه عشان البيبي بس انا بقولك بجد اوعي تضايقي لان انتي حد جميل يا ليله و قلبك جميل بشكل مش طبيعي انا عارفه ان ربنا هيعوضك احلي عوض بصتلهم لان انا كنت معاها كل لحظه و ليله مكانش فارق معاها اي حاجه غير خوفها علي عشري و خوفها علي ايمي ونعيمه و كل البنات واخواتها فا انتي ربنا هيعوضك لانك بجد بتحبي الكل من قلبك انا بعتذر والله بس اهم حاجه ان ليله بخير و بجد يا بختكم بيها ربنا يحفظها ويحميها من كل شر و يصبركم جميعا

طبطبت عليها نجود كان باين عليها انها هتعيط جامد

قربت منها ليله ضمتها

ليله…متزعليش عشان خاطري انا بجد هحس اني السبب في كل ده

رحاب…ااا خالص والله انتي ملكيش ذنب و انا مش زعلانه والله انا بس مبسوطه انك قولتي الكلام ده في حقي عشان بجد مكنتش حابه اظهر بشكل مش حلو او البنات يزعلوا مني

عشري…رحاب مش عايزك تزعلي مني انا والله مكنتش دريان بالدنيا و بس عرفت انها بقالها يوم تعبانه وبتنزف عقلي راح

رحاب… حقك طبعا و الله مش زعلانه يا عشري انا كنت خايفه عليها زيكم و مقدره غضبكم

بصت ليله لايمي عشان تقول اي حاجه ايمي كانت مش قادره تتكلم صعبت عليها رحاب بس لسه عند كلامها هي غلطت