لقاء كارثي

علي قد ما كان في غياب كبير لعقلها و عدم تقبل الموقف انها قاعده بتاخد عزاء امها وابوها الا انها كانت شايفه من بعيد وقفه الشباب

كلهم بدون استثناء

سامح و احمد و حمزه رايحين جايين وسط الناس يوزعوا مايه و مناديل و يقعدوا الناس

وليد كمان واقف ياخد العزاء و شويه و يدخل الناس

رشيد و حسان واقفين مقعدوش لحظه لدرجه ان رشيد كل شويه يرفع رجله شويه من الارض من كتر التعب

عشري و اخواته و فضل واخواته واقفين هما كمان مقعدوش ايدهم وقفت من كتر السلام علي الناس

حماده تعب من كتر الوققه فا كان قاعد جنب عشري الكبير و والد فضل و عاصم

اما احمد فكان واقف جنب الشباب بياخد العزاء و كل شويه تامر يجي يطمن عليه و يدخل هو و محمود جوه مع الناس

محدش فيهم قصر نهائي

ناس كتير جات و قدمت واجب العزاء حتي اللي مكانش في الحسبان او انه ممكن يجي جه زي والد سلامه وزي علا و شادي و اهل حسان واهل رشيد اهل البنات ازواج اخوات عشري و ازواج اخوات فضل
ناس كتير اوي ..

ساعات طويله من الوقفه من اول الساعه سته لحد الساعه عشره ونص و لسه العزاء مستمر و اللي بيمشي بيجي اكتر منه

لكن خلال العزاء كان في اكتر من لفته تبين قد ايه الناس دي بتحب بعض بجد مواقف جميله علمت جوه كل واحد منهم مواقف لمستها نعيمه من الكل شافتها وسكتت بس كانت كفيله تخليها تبقي مبسوطه من كم الحب اللي كانت شيفاه..

اولهم تقي و هي راجه جايه مع صحاب نسمه تتفق معاهم و تاخد اراقام اللي مش معاها عشان تاخد منهم الملخصات اول باول

لدرجه انها كانت بتتعامل بثقه كبيره ان نسمه بخير و هتقوم منها و الموضوع مساله وقت مش اكتر و بتجهزلها كل حاجه عشان لما تقوم تلاقي كل حاجه زي ما كانت عايزه واكتر و مش فايتها اي حاجه..

كانت مبسوطه كمان من مواساة صحاب نادر و هما بيظبطوا كل حاجه في شغله و بيشيلوا عن بعض و بيطمنوها ان كل حاجه هتمشي كأن نادر موجود واكتر…

يمكن نعيمه كان لسه جواها قلق وخوف ان اخواتها يجرالهم حاجه او يفوقوا لكن الحادثه تكون سببت ليهم اي عاهه مستديمه لكن اتفاق الكل حواليها علي ترتيب حياة اخواتها حتي و هنا لا حول لهم ولا قوه كان مديها امل كبير مسكت فيه بايدها واعتبرته اشاره من ربنا عشان يريح قلبها شويه..

………….

ليله…نعيمه اجيبلك مايه او اي حاجه تشربيها يا قلبي