لقاء كارثي

نعيمه….عارفه يا ايمي عارفه انا قولتهم كتير اوي لناس في حياتي طبطبت و واسيت واوقات كمان كنت بحس اني مقنعه و بعد كلامي ده اللي قدامي هيهدأ بس صدقيني اكتشفت ان ولا كلمه ممكن تهدي القلب اللي اتوجع محستش غير لما جربت تبقي بتسمعي كلام و نصايح و تهزي في راسك بس قلبك مش مقتنع لان لا في حاجه تهديكي ولا تصبرك سكتت ثواني و نزلت دموعها تجري عارفه ايه اللي واجعني يا ايمي بجد

ايمي….طبطبت علي رجلها بحزن ايه يا قلبي

نعيمه…..اني عمري ما فكرت في الموضوع ده عمري ما عملت حسابي عليه عمري ما توقعت اني اتحط فيه اصلا في حجات في حياتنا مبنبقاش مستعدين ليها مع ان كلنا عارفين ان الموت الحاجه الوحيده الحقيقيه و لازم نعمل حسابنا عليه بس انا معملتش حسابي يا ايمي و عمري ما جه في بالي اني اخسر امي وابويا في نفس اليوم اااااااه انا لو فضلت يا ايمي اوصف الوجع والشرخ و الخنقه اللي في قلبي مش هقدر

البنات كانوا بيسمعوها ومهما دموعهم نازله حتي ليله كانت نايمه علي كتفها ودموعها نازله براحه علي كتف ايمي

نعيمه……والله العظيم و الله انا جوايا صوت مش مبطل يقنعني ان اللي انا فيه ده كابوس لدرجه اني حاسه اني هصحي احكيلك و اقولك نفس الكلام اللي بقوله ده الوقت احكيلك اننا قاعدين مع بعض احنا السته علي نفس السرير و بحاول اوصفلكم وجع قلبي

غمضت عينها و نزلت دموعها اكتر و حطت ابدها علي قلبها

نعيمه….الوجع هنا شاورت علي قلبها هنا هنا في الحته دي يا ايمي حاسه اني لو جيبت ثلج و حطيته في المكان ده هيعمل صوت و هيطلع دخان و الثلج هيسيح في حاجه واقفه في زوري مش راضيه تنزل ولا عارفه اخرجها كل شويه اشرب بقنع نفسي انها هتنزل مع المايه بس مش بتنزل

جسمي تقيل اوي اوي يا ايمي حاسه ان في صخره علي ضهره مخلياني محنيه و حاسه ان كتافي عليهم جمل كاني شاله شنط فيها حديد

عارفين يا بنات انا حاسه بايه اااا عارفين لما تشيلوا حد وزنه تقيل بتحسوا بيه صح لكن عمركم حسيتوا تقل انكم شايلين جسمكم

اهو انا والله العظيم حاسه اني شيلاني و تقيله عليا اوي اول مره احس ان ممكن حد يحس بتقل جسمه عليه

جسمي من ره ساقع عادي بس والله انا حاسه بغليان جوايا فوران في جسمي مش طبيعي لدرجه اني حاسه شويه و هحس بصوت الغليان ده