لقاء كارثي
لقاء كارثي
نادين…بابتسامه من وسط دموعها انا والاه مبسوطه من كلامكم ده اوي بس بابي انت المفروض هتسافر لمراتك واخواتي و هما سبقوك عشان تقضوا مع بعض الويك اند مش عيزاهم يضايقوا انك مش معاهم
عاصم…محدش مضايق يا نادين و لو حتب مضايقين اكيد مش هسيبك في الظروف دي و اروح عشان اتفسح معاهم انتي محتجاني اكتر وانا مش هسيبك يا بابا غير وانا مطمن انك احسن و الكل بخير
نادين…بدموع بجد شكرا يا بابي
عاصم…بابتسامه حزينه ضمها متشكرنيش يا نادين ده حقك عليا يا حبيبتي جايز قصرت في حقك كتير بس جه الوقت اللي اصلح كل اللي فات و ده اكتر وقت اقدر اصلح فيه اي حاجه
شيرين…بابتسامه حزينه شكرا يا عاصم بجد نادين محدش فينا حبيبتي هيمشي و يسيبك مش هيجري حاجه لما نأجل السفر كام يوم و نطمن عليكي انتي والبنات و تشدوا حيلكم شويه
جاسم… بابتسامه وانا ومروچ كمان قاعدين معاكي مش هنمشي و نسيبك و بابي عرف علي فكره و انا قولتوا مش هرجع غير لما اطمن علي اختي وقالي طبعا خليك معاها ومع مامي متسيبهمش
نادين…بدموع وسعاده ربنا يخليكم ليا يارب
ابتسم جاسم وضمها اوي
جاسم…بطلي عياط بقي و احنا معاكي متقلقيش حتي لو لسه الزروف متحسنتش و مامي و انكل عاصم مضطرين يسافروا لشغلهم انا مش هسيبك و هفضل معاكي صح با مامي
شيرين…بابتسامه صح يا جاسم انت اخوها و لازم تكون جنبها
ابتسمت نادين بسعاده رغم وجعها بس كانت بجد مبسوطه و لاول مره تحس انها ليها ضهر ..
…………..
قرب الشباب منهم كان خلاص مفيش حد تاني غيرهم
عشري…..نوني يا قمر عامله ايه يا قلبي
نعيمه…..الحمد لله يا عشري
عشري…يارب ديما بص لليله ايه يا حبيبي كويسه ولا تعبانه
ليله…بابتسامه هاديه زي الفل الحمد لله
قرب باقي الشباب كلهم
علي….البقاء لله يا نعيمه شدي حيلك
نعيمه…شكرا يا علي و نعم بالله ااا و شكرا بجد يا عمر ليك انت و سليمان ومحمود و البنات كمان بجد شكرا ليكم كلكم تعبتكم معايا اوي الكام يوم دول
علي…تعب ايه بس احنا اهل يا نعيمه
عمر ..مفيش بينا شكر يا نعيمه ده واجب علينا كلنا انتي بس شدي حيلك واجمدي كده لسه اللي جاي محتاج نفس اطول
نعيمه… بابتسامه حزن اطول من كده يا عمر
عمر….اكيد اطول من كده انتي عديتي من اصعب اختبار يا نعيمه و كنتي قده بس لسه محتاجه نفسك يطول شويه و اهتمي بنفسك وصحتك عشان اخواتك طبعا احنا معاكي كلنا بس اخواتك محتاجينك انتي اكتر حد
