لقاء كارثي
لقاء كارثي
صحاب نسمه و صحاب نادر سلموا علي نعيمه و مشيوا
اغلب معارفهم و جيرانهم و جيران اهل نعيمه كمان سلموا و مشيوا
و بدأ الكل يمشي واحد وراء التاني
و وقف البنات و الشباب يسلموا
قربت علا مع سلمي و راحت تسلم علي نعيمه
علا…..ضمتها البقاء لله يا نعيمه شدي حيلك يا قلبي
نعيمه….ونعم بالله شكرا يا علا تعبتك
علا…متقوليش كده انتي اختي واي وقت تحتاجي اي حاجه انا معاكي والله و مش بقول كلام وخلاص
نعيمه…عارفه والله
علا….طبطبت عليها شدي حيلك و ان شاء الله نطمن علي نادر ونسمه قريب
نعيمه…يارب اللهم امين
علا…ليله حبيبتي حمد الله علي سلامتك يا قلبي
ليله….ميرسي يا علا الله يسلمك يا روحي
علا….البقاء لله يا ايمي ربنا يصبركم
ايمي….شكرا يا علا ونعم بالله
سلمت عليهم و بعدين مشيت لقدام شويه مع سلمي تستني شادي
علا…..شدي حيلك يا قلبي هكامك اكيد اطمن عليكي انتي والبنات
سلمي…ميرسي يا علا تعبتي نفسك والله انتي وشادي
علا…. متقوليش كده تعب ايه بس ربنا يصبركم يا حبيبتي خدي بالك من نفسك و من البنات
سلمي….حاضر والله
شادي…..قرب هو وحسان سلمي البقاء لله
سلمي…ميرسي يا شادي ونعم بالله شكرا بجد علي وقفتكم
شادي…وقفه ايه بس متقوليش كده احنا اهل ربنا يجعلها اخر الاحزان يارب
سلمي…اللهم امين
شادي….حسان لو محتاج اي حاجه اكيد انت عارف انا موجود
حسان …عارف والله يا شادي تسلم يا صاحبي شكرا يا علا
علا….علي ايه يا حسان بس البقاء لله
حسان…ونعم بالله
شادي….يلا يا حبيبي هبقي اطمن عليكم سلام يا سلمي
حسان….ان شاء الله
سلمي…سلام يا شادي
بص حسان لسلمي
حسان…..ايه يا حبيبي تعبتي صح
سلمي….لا عادي انت اللي شكلك تعبت اوي
حسان…انا زي الفل متقلقيش البنات كويسين ؟
سلمي…..يعني بيحاولوا
حسان…..ان شاء الله هيبقوا زي الفل انتي كويسه يا قلبي
سلمي…..بتنهيده طويله و حزينه بحاول انا كمان
مسك بايده كتفها و طبطب عليها
حسان….لومي لازم تبقي كويسه عشان خاطرهم و عشان لازم حد فيكم يقوي التاني
سلمي….بدموع انا كويسه والله بس مخنوقه اوي يا حسان حاسه ان في حاجه تقيله علي قلبي احنا مرينا بحجات صعبه كتير بس اول مره نتحط في موقف زي ده و بالشكل ده كل حاجه جايه وراء بعضها عارف لما تفضل تروح وتبجي و تعمل اكتر من حاجه في نفس اللحظه و تحس انك دوخت او فقدت التركيز انا حاسه نفس الاحساس ده مش عارفه اركز مع مين او اطبطب علي مين حاسه اني عقلي واقف احنا كنا لسه بنجهز عشان نروح نطمن علي أيه بعد ما عرفنا انها تعبانه فجاه في حادثه فجاه اكل عادل و نوجا ماتوا و نادر ونسمه حالتهم خطيره ليله بتجهض ايمي تعبانه نعيمه شبه ميته نادين تايهه زيي بين الكل انا زعلانه اوي يا حسان اوي
