لقاء كارثي
لقاء كارثي
ايمي….نعمل ايه بس يا عشري انت شايف اللي حاصل
عشري….شايف بس نحاول و بلاش قرارات يا ايه نرجع نندم عليها نادين شويه وهتلاقيها نزلت لشغلها ريهام في شغلها هتبقي ديما لوحدك و طبعا البنات كلهم في الشغل يعني اكيد هتندمي زي ما ليله قالت خصوصا لو بتحبي شغلك
عسال…..هي تجرب زي ما قولتلها تعالي علي نفسك الفتره الجايه وانزلي و غيري جو واعتبري انك نازله تسليه مش وقت طويل و في البدايه متخديش شغل كتير
ايه…طيب هعمل كده
رشيد…..ان شاء الله خير والجاي احسن والله انتوا بس اهدوا علي نفسكم شويه
ايه…..ماشي
سلمي…يلا قومي اغسلي وشك وتعالي انتي نودي ساعدوني نجيب الاكل
قاموا البنات و جهزوا مع بعض الاكل الشباب اهتموا بأكلهم و اكلوهم كويس و اطمن عشري ان ليله خدت الدواء كله و بعدين قاموا عشان يروحوا بيت نادين
فضل…بهدوء حبيبي بكره هعدي عليكي ان شاء الله و هنروح مع بعض ماشي
نعيمه…ماشي يا فضل
فضل…..لو انا غالي عندك بلاش عياط و نامي كويس
نعيمه….حاضر والله
فضل….انا هكلمك قبل ما انام ماشي
نعيمه ..ماشي
ليله….بهدوء مش هتنام هنا
عشري….لو عليا مش عايز اسيبك بس مش هينفع امبارح حنان كانت معانا و انتي كنتي لسه خارجه من المستشفي مكانش ينفع اسيبك بس الوقت هي مشيت عشان تبقي انتي والبنات براحتكم بس لو في اي حاجه ثواني وهكون عندك
ليله….بابتسامه تعب ساعات بحس انك مؤدب يا بلطجي
عشري….بضحكه جميله اخيراً و حياه امك
ابتسمت ليله و قربت منه ضمتوا اوي باس راسها و ضمها
عشري…بحبك يا ليله
بصتلوا و ابتسمت
ليله….وانا بحبك اوي ياريت تروح ترتاح و تنام شويه عشان عينك منظرها فظيع
عشري…..حاضر انتي كمان ارتاحي و حياتي وعشان خاطري لو تعبانه او فيكي حاجه اتصلي عليا متقوليش لما يطلع الصبح
ليله….لا هقلقك متخافش
عشري….انا راضي يا ستي اقلقيني
ليله….كلمني قبل ما تنام
عشري….هكلمك طبعا
…….
رشيد….لا طبعا هعدي عليكي الاول قبل ما اروح البيت انا هروح اغير و بعدين اروح عالشغل و هعدي عليكي بليل تاني
ايمي….يطب ممكن تلبس حاجه مريحه شويه لرجلك
رشيد..ما انا لما هغير هلبس متقلقيش المهم ابقي باحه كده شوفي البيت ناقصه ايه و عرفيني ماشي
ايمي……بيتنا؟!
رشيد…لا يا قلبي هنا
ايمي….اه طيب
