لقاء كارثي
لقاء كارثي
ليله….طيب تمام دي سيبوها لينا احنا نتفق مع بعض بس انهارده خلاص كده كده الوقت اتاخر و محدش فيهم هيقدر يمشي ولا حتي الشباب هيقدروا يسوقوا من بكره هنمشيها كده عايزين تروحوا و تيجوا عليها برضوا براحتكم بس مش الكل هيبات
نعيمه…..و مش لازم يا ليله انا لو احتاجتهم هكلمهم متنسيش ان سلمي لازم ترجع عيادتها و ايه هتنزل شغلها و نادين شويه و هتبدا ترجع هي كمان و ريهام هتنزل المطعم لحد ما انتي تقدري تنزلي معاها يعني محدش هيبقي فاضي
ايمي…..خلاص احنا هنتفق مع بعض و نشوف الدنيا فيها ايه
ايه…عموما انا هكون معاكي اغلب الوقت حتي لو روحت البيت وقت ماتروحي لاخواتك هجيلك المستشفي و هجيلك هنا برضوا اصلا سلامه لو نزل الشغل هبقي لوحدي طول اليوم
سلمي……ما انتي لو نزلتي الشغل برضوا مش هتبقي لوحدك و عدي عليها
ايه….لا ما انا مش هنزل الشغل خلاص
بصولها كلهم بما فيهم سلامه البنات بصوا لبعض و سكتوا فكروا ان سلامه مش عايزها تنزل فا سكتوا
سلامه…..يعني ايه مش هتنزلي الشغل تقصدي الفتره دي يعني
ايه…لا علي طول مش هنزل تاني و قدام شويه بعد ما الظروف تتحسن نبقي نعرضه للبيع او الايجار
هنا بدا البنات تسأل عن السبب خصوصا لما سلامه اتكلم عرفوا ان ده مش قراره
ايمي….طب ليه يا ايه ؟
سلمي….انتي اكيد بتهزري
ايه…عادي مش عايزه اكمل حاسه اني مش في المود و مش هقدر ارجع تاني للشغل
سلمي….هو انا لو سمعت اي حد بيقولي انك هتقعدي من شغلك ده بالذات مش هصدق انتي ازاي عايزه تعملي كده بجد
سلامه…..علي فكره انا بسمع الكلام ده منها زيكم بالظبط يعني انا مليش دخل فيه والله
ايمي…انا فكرت بصراحه ان ليك دخل عشان كده سكت في الاول
سلامه…خالص والله
ليله….ايه السبب يا ايه ليه مش حابه في مشكله
ايه…..لا والله مفيش بس انا حاسه اني مش هقدر
رشيد…يعني ايه مش هتقدري تقصدي بعد الجواز مش حاسه انك هتقدري تكملي شغل
ايه…..اااا لا بس انا نفسيا مش حاسه اني هقدر سكتت ثواني و عينها بقت كلها دموع و صوتها بقي مخنوق شويه مش حاسه اني هعرف اشتغل لو نزلت
فضل….طيب في سبب ولا عشان الظروف اللي احنا فيها ماثره عليكي
ايمي….طيب اهدي ليه بتعيطي مالك يا أيه
سلمي…في ايه يا قلبي مالك
ايه ….بدموع والله مفيش انا حاسه اني مخنوقه
