لقاء كارثي

امينه…واحده من قرايب عشري مرت ابن اخته الله يرحمها بس عينها صعبه

اميمه….يلا الله يسامحها والحمد لله انها جات علي قد كده

نجود…ربنا يصبر قلبهم كلهم و يعديها علي خير و يطمننا علي اخواتك يا نعيمه

اميمه…يارب يارب قومهم بالسلامه و ريح قلب البت دي غلبانه والله

نجود….ان شاء الله يريح قلبها

امينه…يارب

…………

قرب توما من البنات كان خلاص العزاء يعتبر خلص و اللي موجود بيسلم و بيمشي و الشباب قربوا وقفوا مع البنات

توما…..البقاء لله يا نعيمه شدي حيلك يا حبيبتي و ربنا يقوم اخواتك بالسلامه يارب

نعيمه….شكرا بجد يا توما تعبتك معايا اوي

توما….كلام ايه ده بس ماقوليش كده ده انتي وللبنات ربنا عالم غلاوتكم عندي والله انا لما عرفت الخبر جالي ذهول قولت مستحيل حتي لما لقيت ليله وايمي والبنات منزلين الخبر مكنتش مصدق ازاي انا لسه كنت معاهم في السخنه في فرح نودي والله مصدقتش نفسي يا نعيمه ربنا يصبرك يارب انتي والبنات شدوا حيلكم يا بنات

ايمي….حبيب يا توما طول عمرك صاحب واجب و بجد شكرا تعبناك انت هنا من اول الناس و اخر حد ماشي بجد تسلم يا غالي

توما….لو اطول اعمل اكتر من كده عشانكم مش هتاخر يا ايمي انتوا اخواتي و اي وقت تحتاجوا اي حاجه مهما كانت رقبتي ليكم والله مش كلام

ايمي…عارفين والله يا توما انتي مش بتقصر خالص

توما….نعيمه انتب اخواتك في المستفسي بتاعت مصر للطيران صح

نعيمه….ايوه

توما….طيب كويس انا اعرف كام حد هناك و اعرف دكتور استشاري كبير لو محتاجه اي توصيه عليهم اطلبي بس او حتي من غير ما تطلبي كلميني كده لما تفوقي بكره الصبح و عرفيني هما فين بالظبط و اديني كل المعلومات و انا هخلي الكل ياخد باله منهم

نعيمه…حبيبي يا توما والله هما مش مقصرين بصراحه معاهم خالص و بيعملوا مل اللي يطلع في ايدهم

توما…برضوا هكلمك واعرف منك او من البنات كل التفاصيل و اهو الاهتمام يبقي اكتر ليله انا هتصل عليكي وانتي عرفيني هي يا قلبي مش هتقدر

ليله…بابتسامه هاديه حاضر يا توما هقولك متحرمش منك ابدا

توما….ولا منكم يارب يا بنات انا مليش غيركم والله كمل بهمس قولولي محتاجين فلوس او اي خاجه

ايمي…بابتسامه يا قلبي منتحرمش منك ابدا مش محتاجين والله غير دعواتك لاخوات نعيمه وبس