لقاء كارثي

ليله….اقنع ايمي انتي متخيله ان ايمي ممكن تسيبك يا نعيمه

نعيمه….حاولي انا خايفه عليها امبارح كانت تعبانه اوي انا يمكن كنت فصلت خلاص و عيني بتفتح بالعافيه بس كنت حاسه بيها مش قادره تنام بتمسك في السرير كل شويه كأنها بتولد او عندها طلق

و بعدين تقريبا نامت و حسيت انها بتتكلم قومت وانا مش قادره تقريبا كانت شايفه كابوس و عماله تعيط و بتنادي علي زوزو وحماده ايمي علي فكره من وقت اللي حصل وهي مرعوبه عليهم لان ايمي كمان اقرب لابوها وامها اكتر ما انا كنت قريبه من ابويا وامي بكتير و انتي عارفه علاقتها بيهم عامله ازاي انا حاسه انها مرعوبه من الفكره و طول ما هي موجوده في الجو ده ايمي هتبقي تعبانه صدقيني و ده غلط عليها

ليله…بصت من بعيد علي ايمي بحزن عارفه يا نوني انا هحاول والله بس انا عارفه ان ايمي مش هترضي

نعيمه…قوليلها تروح و تيجي مثلا بعد بكره زي ما قولتي كأنك تقصدي تقسموا الايام علي بعض و بعد بكره قوليلها مثلا سلمي جات او انا عند اخواتي اي حاجه لازم نبعدها الفتره دي عن الجو ده و كملت بدموع و وجع ليله انا بموت والله و مش قادره اتحمل كل اللي بيحصل ده كل ثانيه بتعدي خنقه فظيعه ما بالك هي حامل و تعبانه و المود مش حلو والظروف كلها وحشه و النبي يا ليله انا مش حمل الاحساس بالذنب اللي انا عايشه بيه ده

ليله….بوجع ضمتها طب خلاص خلاص والله انا هحاول معاها متخافيش عليها و بطلي عياط بقي هتتعبي انتي كمان هعملك اللي انتي عيزاه والله

قرب منهم فضل اول ما لمحها من بعيد بتعيط

فضل….ايه يا قلبي مش كفايه بقي و نهدا كده شويه

بصتلوا نعيمه وهي دموعها نازله قرب منها ضم راسها وقربها من وسطه

فضل….بس يا قلبي بس وحياتي مش شايفه بقي شكلك ازاي

ليله….متقلقش عليها هتبقي كويسه

باس راسها وبعدين بعدها عنه مسح دموعها و فضل يمشي ايده علي شعرها

فضل…ايه يا قلبي مش هنهدا شويه بقي

نعيمه….هزت راسها بهدوء فضل

فضل….نعم يا قلبي

نعيمه….اتكلم مع رشيد عشان يمشي هو وايمي لانها تعبانه والله و لو فضلت هتتعب اكتر خليهم يمشوا يا فضل انا كويسه والله

فضل…..حاضر هكلموا بس بطلي عياط نعيمه عينك باظت من كتر العياط يا قلبي اهدي شويه

ليله….انا قولتلك هعمل اللي انتي عيزاه نروح بس و انا هتكلم معاهم