لقاء كارثي
لقاء كارثي
انا تعبانه اوي اوي و مرعوبه علي اخواتي خابفه بجد يجرالهم حاجه خايفه حد فيهم يفوق بكارثه انا برضوا مش عامله حسابها
ايمي….متقلقيش يا نعيمه والله العظيم هيقوموا ويبقوا زي الفل
بس اجمدي عشانهم اجمدي عشان تحافظب عليهم من التعب والانهيار والاستسلام اجمدي عشان هما محتاجينك لو صحيح خايفه عليهم لازم تقفي علي رجلك وجعك علي ابوكي وامك حقك بس اللي بيروح مش بيرجع هما محتاجين دعاكي صدقتك ليهم افتكريهم ديما بكل خير عيشي علي ذكراهم بس اخواتك لسه عايشين و هما اولي بكل طاقتك و وجعك صدقيني يا نعيمه محدش فبنا بيقولك بطلي تحزني لان ده حقك يا قلبي وعابزه اقولك كنان انتي بجد بطله انك تتحملي كل ده مش سهل انا لو مكانك هبقي اضعف مخلوق عالارض
بس انتي قويه و لازم تبقي قويه اكتر عشان تحافظي علي اخواتك حتي صحتك لازم تحافظي عليها عشانهم لو جرالك حاجه يا نعيمه اخوانك هيضيعوا صدقيني .
نعيمه….انا بحاول والله يا ايمي
ايمي…..لازم لازم تحاولي و شيلي من دماغك اي حاجه وحشه بتفكري فيها بالنسبه لاخواتك نعيمه الدكتور بنفسه يوم الحادثه قالك انها معجزه ان هما يطلعوا منها بخير يعني اخواتك نفسهم بيحاولوا و متمسكين بالحياه لازم يكون عندك امل وامسكي في حياتهم زي ما هما ماسكين فيها ملكوش غير بعض يا قلبي
ايه….بدموع ابتسمت داهيه تسد نفسكم يا شيخه منك ليها قال بيقولوا يتعافي المرء باصدقائه نيله عليكم وعلي معرفتكم قلبتوا عليا المواجع
ضحكوا من بين دموعهم كلهم
ايه….افضلوا اندبوا علي اللي فات نا انا اهو متنيله عايشه علي الاقل يا اختي منك ليها انتوا عيشتوا معاهم ليكم ذكريات فاكرين شكلهم انما عشان افتكر شكلهم بشوف صورهم مستعجلين علي ايه يا اختي كلكم هتموتوا و انا معاكم هنروحلهم متقلقوش
ايمي….مسح دموعها وضحكت اهي اديتهالكم في نص راسكم
ايه….طب اعمل ايه طيب تصدقوا بالله ميدو ده في شئ لله من البدايه كان ليه نظره قالك احنا نحس وده حقيقي انا ابصم وامضي وراء وانا مغمضه نحس نجس مفيش كلام
منفرحش الا لما تحصل مصيبه تجيبنا الارض و احنا الشهاده لله مبنقصرش مع النكد بنديه حقه عالاخر و بنقفش فيه بأدينا وسننا
ده النكد لو خاول يخلع مننا بنمسك فيه اكتر
ضحكوا كلهم علي عصبيه ايه الجميله و طريقتها المضحكه بعدين بصتلهم و ضحكت
