لقاء كارثي

حسان…بحزن عارف والله و حاسس بيكي يا قلبي بس والله كل حاجه هتبقي كويسه و كل اللي انتي وهما واحنا حاسين بيه ده مع الوقت هيخف انا عارف ان الوجع كبير بس احنا لازم نقف علي رجلينا و نحمد ربنا و لازم تكوني اقوي من كده يا عمري انتي الوحيده اللي تقدري تكوني قويه الوقت عارف انك مش مقصره بس متخليش الحزن يسيطر عليكي انتي كمان نعيمه محتاجه ايد قويه تسندها يمكن اللي ديما بيعمل ده ليله و ايمي بس هما كمان محتاجينك اكتر من اي وقت

سلمي….انا بحاول والله يا حسان و بعمل اللي اقدر عليه بس انا مضايقه عشانهم بجد اول مره ياحسان نتوجع بالمنظر ده و مش اي وجع انا حتي بابا و حماده مرعوبه عليهم نغم بتقولي انه بابا كان منهار الصبح و جريت نادت تامر مقطع قلبي بجد بابا ملهوش غير انكل عادل وحماده يمكن هما اكتر اتنين كانوا مهونين علي بابا كتير هو بيعتبرهم اخواته مش زي اخواته

حسان….والله العظيم عارف و حقهم يا سلمي مصيبتهم كبيره بس اكيد هيسندوا بعض زي ما انتي و البنات بتعملوا الوقت و صدقيني اخوات نعيمه بس يفوقوا و نطمن عليهم هتلاقي الكل بدا وجعه يخف شويه

سلمي…يارب يا حسان عشان نعيمه بس نعيمه هيجرالها حاجه والله العظيم من كتر والوجع انت مشوفتهاش الصبح يا حسان قامت من النوم بتصرخ بس ومنهاره هي كانت عندها امل تصحي تلاقي كل ده كابوس بس لما لقت انه بجد بقي عندها هيستريا خوفتنا كلنا صحينا علي صوت صريخها عماله تقول مطلعش كابوس هموت عليها والله يا حسان

حسان…بحزن طيب بس يا قلبي بس والله العظيم ربنا هيريح قلبها و هيطمنا علي اخواتها و تفرح بيهم و هياخدوها في حضنهم و هيهونوا علي بعض كتير هي بس لسه موجوعه ده الموضوع لسه في الاول يا سلمي

سلمي …حاسه بيها والله انا مجربه نفس الوجع بس هي جربته الضعف ربنا يصبرها يارب

حسان…ان شاء الله هتبقي بخير وواحنا اكيد مش هنسيبها لوحدها

سلمي….يارب يا حسان

حسان….يلا تعالي نشوفهم

…………

شيرين….هي نعيمه كده هتروح علي بيتها هي وليله ولا بيت اهلها

ماريز….لا طبعا علي بيتها هي وليله هي اصلا عايشه هناك

شيرين…اه ما انا عارفه اقصد يعني الفتره دي

ماريز…لا ايه اللي هيوديها هناك مش هتقدر

حنان….فعلا مش هتقدر لو راحت هتتعب اوي ملهاش لازمه