لقاء كارثي

يمكن مافي اي حد يقدر يعوض ابوكي او امك مننا بس لازم تعرفي انك بنتنا وغاليه علينا و هنفضل معاكي احنا اهلك و عيلتك انتي كيف بنتي و واخده حته مني من الناحيتين هتبقي مرت فضل ابن اختي و ابني الغالي و اختك واخده حته مني سليم يعني غلاوتك انتي واخواتك كبيره حواليكي ناس بتحبك من قلبها بجد مش هيعوضكي لكن هيسهلوا عليكي حياتك صدقيني و هو ده اللي البني ادم بيحتاجه صاحب ينسده و اهل يبقوا ضهر ليه

و الشهاده لله ما حدا فيهم قصر و افرحي يا نعيمه ابوكي وامك سيرتهم حلوه و انتي شوفتي بنفسك الناس اللي جات تشاركك حزنك افرحي لانهم راحوا و نيتهم خير و وداعهم كان طيب كيف سيرتهم…

نعيمه…بدموع بجد شكرا لحضرتك و كفايه بجد تعبكم كلكم معايا انا مهما شكرتكم مش هقدر اوفيكم حقكم ااا يعني انتوا عملتوا كل حاجه كانت صعبه عليا اعملها لوحدي كفايه ان الشباب كلهم وقفوا خدوا عزاء ابويا وخلوه نايم مرتاح ان وراه رجاله خصوصا ان نادر مش موجود بس والله ما حد قصر فيكم

علي…متقوليش كده ده واجب علينا انتوا اخواتنا

وليد…..نوني احنا عيله واهل و ده الظرف اللي لازم الكل يبقي جنبك فيه ابوكي وامك كانوا غالين وانتي عارفه و يشهد ربنا انهم كانوا ونعم الناس و الاهل و ده حقهم علينا

نعيمه….ربنا يخليكم ليا يارب

عشري الكبير…..و يقويكي يابتي و يصبر قلبك اخر حاجه حابب احكيها معاكي و مع الكل الشباب والبنات عارف ان الكل زعلان

بس الدنيا دي يا ولاد كلنا جايين فيها نمتحن و نمشي و طول ما انتوا عايشين وفيكم نفس

هيجيلكم امتحان في اليسر و امتحان في العسر

هيجيلكم امتحان في الصبر و امتحان في الفقد

ربنا هيختبركم في أخلاقكم و مبادئكم و طموحكم و احلامكم و مشاعركم

هتتحطوا في مواقف تخليكم تحتاروا و يتطلب منكم تاخدوا فيها قرار وهيتعرض عليكم امور سهله ومغريه لكن اخرها هلاك و طرق صعبه و كلها وقعات لكن اخرها نور

هتقعوا و هتقوموا هتتوجعوا وتفرحوا من قلبكم

ركزوا في الامتحان كل حاجه هتخرج منكم هتحاسبوا عليها سواء رضي او اعتراض

الموت بيوجع بس مش نهايه الدنيا و محدش فيها باقي يا بتي كلنا رايحين.

نعيمه…بدموع ونعم بالله

حماده…..الله ينور عليك يا حاج عشري الحمد لله علي كل حال ربنا يرحم اللي فارق و يشفي كل مريض يارب