لقاء كارثي

نعيمه…..بابتسامه يبقي ملميش مكان انا وايه ونادين وسلمي بننام بسرعه انتي راسك مصفحه

ليله….بابتسامه اهي قالتلك

ايمي…لا والله انام فوقيكم

ليله….خلاص ناموا كلكم بس يلا خلينا نروح ناخد شاور و بعدين نقعد شويه مع بعض

سلمي….يلا بينا

دخلوا البنات ياخدوا شاور ليله في اوضتها و نعيمه في اوضتها و ايمي دخلت في الاوضه اللي بتنام فيها نادين و فضلت نادين مستنياها تخلص

والاوضه الرابعه دخلت ايه و سلمي كانت مستنيه و خرجت تشوف ليله لحد ما ايه تخرج.

سلمي…..لولي محتاجه مساعده يا قلبي

ليله….لا يا لومي انا تمام بس بقولك ايه

سلمي…..قولي يا قلبي

ليله….استني متخرجيش انا هلبس وخارجه

سلمي…طيب علي مهلك مستنياكي

خمس دقايق و خلصت ليله و خرجت و كان باين علي ملامحها انها تعبانه

سلمي…..ايه مالك في حاجه ولا ايه

ليله…لا بس بقولك ايه الدواء اللي باخده ده في حاجه فيهم انا مش عارفه ايه هي بس من امبارح ملاحظه ان بعد الدواء ما باخده بساعه كده بخس بالم فظيع في بطني و بينزل عندي دم كتير اوي

سلمي…نزيف يعني !

ليله….لا مش نزيف بس في اوقات بيبقي الدم بسيط و اوقات تانيه بيبقي اكتر بس مع الم و خصوصا بعد الدواء

سلمي…..طيب بصي هو غالبا كلامك صح لان في دواء فيهم ده بيساعد علي انقباض الرحم و بيساعد كمان علي طرد الدم الزياده و بينضف الرحم يعني فا غالبا هو اللي بيعمل ده يعني الالم ده طبيعي هو كده بيشتغل و بيعمل انقباض في الرحم و الدم الزياده ده تنضيف كويس

ليله…..طيب انا موجوعه الوقت و محتاجه مسكن

سلمي…بس انتي خدتي من شويه يا قلبي الادويه اللي خدناها دي في واحد فيهم مسكن

ليله…..مش قادره والله يا سلمي الم جامد اشد من البريود بكتير انتي عارفه اصلا البريود لما بتجيي بتعب ازاي ده الم اكتر

سلمي…..طيب بصي ايه رايك اعملك حاجه دافيه الاول لو مرتحتيش ناخد مسكن

ليله…..سلمي عارفه انا حاسه بايه كان في حاجه جوايا بتتعصر

سلمي…. بابتسامه بصي يا قلبي متقلقيش ده طبيعي لان الرحم بعد الولاده او الاجهاض عامل بالظبط زي الاسفنجه كل ما بتضغي عليها وتعصريها بتخرج كل السوائل اللي جواها اهو الدواء اللي بتاخديه بالظبط بيعمل كده في الرحم بيضغط عليه و بيعصره عشان يخرج كل البقايا اللي حواليه فا ينضف و كمان بيساعد علي انقباضه بشكل طبيعي و عشان كده انتي حاسه بيه استني حوالي عشر دقايق ربع ساعه هتحسي ان الالم خف خالص عشان كده بقولك بلاش ناخد الوقت مسكن اشربي حاجه دافيه ولو حسيتي لسه مش قادره هديكي والله