لقاء كارثي

حسان…..خليها تشرب اي عصير بعد ما تاخده لحد ما تاكل

سلمي…لا هعملها حاجه دافيه احسن عشان اي تجمعات دم تنزل

ليله….طيب انا اتلغبطت كده اخد ايه بالظبط ؟

سلمي…اهو ده وده خديهم الوقت الباقي كله بعد الاكل امسكي المايه

حسان…هو فضل فين ؟

سلمي….في البلكونه هو ونعيمه بيكلموا الشاب الممرض اللي بيتابع حاله نادر و بيطمنوا منه

حسان…خير ان شاء الله

خدت ليله العلاج و سابت الكوبايه

سلمي…..كده هناخد دول بعد الاكل يا قلبي ماشي

ليله….طيب اوك يا سلمي

عشري….تيجي تقعدي هناك و ترتاحي شويه

ليله….لا عادي هشوف بس سلمي هتعمل ايه

سلمي….ملكيش دعوه بيا چوي هتساعدني و ايه او نادين هنادي عليهم روحي اقعدي

حسان….روحي يا ليله انا واقف مع سلمي كمان

ليله….ارتاح شويه يا حسان انت شكلك تعبان

حسان…انا زي الفل روحي انتي مع عشري اقعدوا و ارتاحوا يلا قومي

عشري…يلا يا قلبي

راحوا قعدوا علي الكنبه

فرد عشري دراعه وراء رقبتها و ضمها ليه

عشري….بقولك ايه تدخلي ترتاحي شويه عالسرير لحد ما يجهزوا الاكل

ليله….قربت منه اكتر لا مرتاحه كده

ابتسم ابتسامن هاديه و ضم كتفها ليه اكتر وباس راسها

ليله…..عشري

عشري…..نعم يا عمري

ليله….شكرا

عشري….علي ايه يا قلب عشري

ليله…رفعت راسها وبصتلوا عشان اعتذرت لرحاب و راضيتها شويه

عشري…..سكت ثواني ربنا بيحبها انك قومتي بالسلامه كان زمانها في عداد الاموات

ليله….ابتسمت بتعب واضح بلطجي يعني

عشري…مش بلطجي بس هي حظها ان انتي اللي بتدافعي عنها و انا مقدرش اتكلم بس لو كان فيكي حاجه يا ليله مهما كانت قالت او دافعت عن نفسها مكنتش هسمعلها انا اهم حاجه بالنسبالي انك بخير فا عادي بقي سامحتها و راضيتها زي ما طلبتي بس برضوا انا مع ايمي هي معاها حق

ليله…..انا عارفه ان ايمي بتتكلم صح بس عشان انا اللي طلبت ده من رحاب شيفاكم جيتوا عليها اوي

عشري….طيب بدلي بقي الاماكن لو انتي مكان ايمي هيبقي نفس رايك

ليله…ااا اه طبعا

عشري…ليلللله انتي مش كدابه قولي بصراحه

ليله….بابتسامه اكيد لا بس برضوا لما هقعد مع نفسي هفكر اكتر

عشري….طيب يعني احنا مش غلط و بعدين احنا مش راضيناها وهلصنا الموضوع خلاص المهم تكوني مبسوطه

ليله…انا مش عايزه مشاكل بسببي يا عشري خصوصا ان انا اللي طلبت ده منها و صممت كتير و مكانش اصلا وقت مشاكل وسط اللي احنا فيه ده الحمد لله ان الموضع عدي علي خير