لقاء كارثي

مسحت ليله علي وشها بالم كانت عماله تعرق بصت لسلمي بغيظ

ليله….انتي عشري موصيكي عليا ولا ايه

سلمي…..بابتسامه والله مش كده بس كتر المسكنات غلط نتحمل شويه عشان متتعوديش عليها و بعد كده مش هتعمل اي مفعول هروح اعملك حاجه دافيه قرفه و جنزبيل هتظبط الدنيا اكتر

ليله…بقله حيله وماله هي جات علي القرفه والجنزبيل

سلمي….احمدي ربنا اني مقولتلكيش هعملك حلبه

ليله…لا وعلي ايه اعملي اللي انتي عيزاه يا دكتور

قبل ما تفتح سلمي الباب فتحت ابه و خضتها

سلمي….في ايه مخبررر خضتيني

ايه…انتي هنا وانا عماله اكلم نفسي

سلمي…بتملمي نفسك ازاي

ايه …عماله اكلمك و انا باخد شاور و فكراكي سمعاني

سلمي….جيت اشوف ليله لو محتاجه حاجه احد ما تخلصي يلا خليكي معاها بقي لحد ما اعملها حاجه دافيه تشربها

ايه…..انتي تعبانه ولا ايه

ليله…لا حاسه بالم بسيط.

المهم قومي من قدام التكييف عشان متتعبيش انتي منشفتيش شعرك ليه ؟

ايه…نشفت بالفوطه بس هو لازم استشوار

ليله….طب قومي نشفيه بالاستشوار عندك هناك شعرك كله مايه و خدي فوطه تانيه من الدولاب نشفيه تاني

ايه….طيب خليكي انتي بس قاعده ارتاحي

قامت ايه طلعت الاستشوار و نشفته شويه و بعدين قفلتوا و راحت قعدت جنبها

ليله….مشت أيدها علي شعرها لسه في مايه

ايه…. لا مش كتير خلاص بقولك ايه انتي تعبانه اوي

ليله…..لا والله بخير هو الم شبه البريود بس اشد شويه بيروح ويجي

ايه….بصتلها بهدوء ليله متزعليش

ليله…..بابتسامه اتنهدت مش زعلانه يا يويو

ايه…..اول مره اشوفك بتكدبي

ليله…بصتلها تاني و ابتسمت مش بكدب والله بس انا موجوعه و في فرق بين الزعل و الوجع يعني بشوف ان الزعل فيه جزء من الاعتراض و انا مش معترضه الحمد لله اكيد ربنا ليه حكمه بس موجوعه لان في النهايه ده حته مني انا وعشري و كنت اتمني انها تكمل وتعيش لكن كمان بحاول برضوا مبقاش موجوعه يمكن من امبارح وانا بسمع شويه كلام كده لما بفكر فيهم الوقت بحس اني مرتاحه و متقبله الوضع من غير وجع

ايه….بابتسامه هاديه كلام ايه اللي سمعتيه ؟

ليله….بتنهيده يعني عشري قال جمله علقت معايا شويه و ريحت قلبي كتير قالي اوقات ربنا بيدينا ابتلاء عشان ننسي او نتلهي شويه ابتلاء اكبر و فعلا ده اللي حصل كلكم اتلهيتوا معايا شويه بما فيكم نعيمه و بقي تركيزكم الاكبر معايا فا وجعكم و وجع نعيمه هدي او خدتوا منه هدنه شويه